Texts
Return to list | edit | delete | Create a new | Statistics | ? Help
Svetlana Jeršova. Nece oli minun laps’agaspäi
Svetlana Jeršova
Nece oli minun laps’agaspäi
Veps
New written Veps
Čududelemoi
, miččed eletas melekehad erased živatad .Äjan vozid muštan ühten azjan , hot’ proidn’u jo ei vähä aigad .
Mö elimei kazvatajidenke Kurb-küläs , minä tähäsai sid’ elän .
Siloi mini oli , nacein , 17 vot , a noremb vel’l’ Sergii oli völ ei surikeine šlekkine , 1. vei 2. klassaha käveli .Sil’ vodel , muštan , andoiba tegon kaikuččele openikale – abutada sovhozale katkoida vastoid živatoile sömäks .Norembile openikoile – 10 vastad , vanhembile – 20 vei 30.
I vot jo pigei keza lopiše , a Sergijal völ vastad oliba katkoimata .Hän pakičeb minei abun .Mänimei čapandmecha , kudam oli ei edahan .Čapandmec seižui mäthudel , pertid’ näguiba , kuti kämnel .
Katkoimei vastoid , kuverdan tarbiž oli , ved’ nece kahtele ei olend jüged , i zavodimei keratas kodihe .A miččehe polhe mända , emei tekoi .Kudei radoimei , emei homeitud , miše pertid ei nägu i kuna nügüd’ astta ?Čapandmecas kaik om ühtüine : babarmžom , penzhišt , korged heiništ i nor’ mec .
Mänimei ühthe polhe – ei sinnä , toižhe – mugažo ei sinnä .Nügu midä rata ?Rižan , miše segoimei .Jo azj ehthapei , zavodi hämärzuda , vihm sumotaškanz’ .Mö vastad tacimei , ei sihessei ole , vaiše putuižimei kodihe .A minä vanhambeine , midä zavot’t’a ?Sergii minhu kacub .
Meletin’ i sanuin : "Minä probuin libuda puhu , voib olda , homeičen ten libo pertid ".Siloi norikaine i rohked olin’ .Libuin’ oksikahaze puhu , vaiše en ülähäks , kaik-se varaižin .Midä-se tarbiž oli tehta .Kaclemoi – kaikjal mec , enamba nimidä ei nägu .
Päzuin .Abittuin , no necida en ozutand , miše vel’l’üt ei pöl’goitada .
A päs punose : meid’ hätken ele , kodiš smetiba , miše segoimei .Dovediše kerata rahvast ecmäha .Kazvatajad südeganziba , dai tegimei verhile ristituile radon .
Laid’as meid’ neciš azjas .Äkkid kulimei – lehmiden kelloižed kolkotadas .Nece lehmäd asttas kodihe omaluižespäi , a siloi lehmiden da vazoiden stad oli sur’ , nacein’ , ümbri 50.
Mö Sergijanke ihastumei , nügu putumei kodihe , lehmäd ozutadas meile ten .Hei-se tetas , kuna tari mända !
Muga i tegihe , melekahad lehmeižed jälgeti sirič meiš proidiba čapandmecan , kudames mö putlikoičimei , ozutiba , kudamehe polhe astta .Mö mänimei lehmiden jäl’gidme i tulimei tele .Emei edahan i oldud-ki .Paimned mö muga en nähtud , nacein , astui tagapäi .Ningomad istorijad jose sab unohtada ?
Nece oli minun laps’agaspäi
Veps
New written Veps