Texts
Return to list | edit | delete | Create a new | Statistics | ? Help
Aunukšen Karjalan kulttuuriperintyö tutkitah
Aunukšen Karjalan kulttuuriperintyö tutkitah
Karelian Proper
New written karelian
Tuiskukuušša alkau
Ilmarisen koulu Šuurešša Sellissä -projekti .
Trajektorija-fondi voitti Presidentin grantin uuvven projektin toteuttamiseh .Šen aikana pietäh tutkimuštyötä Šuuren Sellin -kylän istorijašta ta ruvetah popularisoimah Aunukšen Karjalan kulttuuri-istorijallista perintyö .
Projekti keštäy tämän vuuvven tuiskukuušta vuuvven 2027 heinäkuuh šuaten .
– Meijän pitäy šuorittua äijän tehtävie , kumpasista šuurimpana ruatona on järještyä ta viettyä kolme tieto-käytännöllistä kouluo Šuuren Sellin kyläššä , missä opaštujien kera rupiemma tutkimah šäilytettyjä ta kavotettuja istorijallisie kohtie šekä Pyhän Il’l’an časoun’ua , jotta ennallistua še . Täššä ruavošša meitä autetah paikalliset eläjät šekä tiijot restauroinnista ta šen ošien musejoesinehen statussin šuamisešta , šelitti projektin johtaja Konstantin Petrov .
Lisäkši projektin aikana ruvetah opaštamah luatimah puušta talouš - ta korissušvehkehie šäilyttyän paikallisie perintehie , pitämäh kotišeututukimušluventoja Aunukšen karjalaisien istorijašta , arhitektuurista , käsitöistä , kumpasie šuau kaččuo internetissä , spesialistien avulla järješšetäh näyttely Šuuren Sellin kylän istorijallisešta perinnöštä , Pyhän Il’l’an časoun’ašta ta hävitetyistä istorijallisista kohista .Tämän näyttelyn lisäkši järješšetäh online-näyttely .
Enšimmäistä kertua Trajektorija-fondin pitämäššä projektissa järješšetäh laboratorija , missä kultuuri-istorijalliskohtien šäilyttämisen spesialistit kerrotah , mitein ruatua raunivoiksi tulluijen ta hävitettyjen kohtien kera , kuin tutkie istorijallisie tietoja ta luatie esineheštä musejoesineh , mitein järještyä ulkoilmanäyttelyjä ta käyttyä digitalisie palveluja tällä alalla .
Trajektorija-fondi on monta vuotta toteuttan omie projektija Mujejärven piirin Haukkašuaren kyläššä , Kižin šuarella ta Vuokkiniemeššä .Tätä projektie varoin oli valittu joukolla uuši aloveh .
Aunukšen Karjalan kulttuuriperintyö tutkitah
Karelian Proper
New written karelian