Texts
Return to list | edit | delete | Create a new | Statistics | ? Help
Ol’ga Ogneva. Karjalaine Stuanu on Ven’an kaunehin kylä. 2
Ol’ga Ogneva
Karjalaine Stuanu on Ven’an kaunehin kylä. 2
Livvi
New written Livvic
Pokrovan
kirikkö on Stuanun piänähtävys Marija Bel’akovan kodi seizou uuličal , kudai ehtittih srojie kolhozan aigua .Yhtes puoles ollah taloit očin Medvediččäjovelepäi , toizes puoles , jogirannas , kylyt .Kylbiittös koivuzel vastal dai hyppiä vedeh vilustumah .
Tädä uuliččua myö piäzemmö Uvven Stuanun Pogostale , kus on Stuanun piänähtävys , Pokrovan kirikkö da kalmužim sit ymbäri .Aiče kummua !Pienes kyläs on moine suuri kirikkö !Se on salvettu vuvvennu 1777.Korgiet pordahat on luajittu aiga suuris kivipliitois .Net paikallizet karjalazet tuodih Piiterispäi , kunne käydih ruadamah .Kirikkö on ylen hyväs kunnos , ku rahvas on ainos pietty sit hyviä huoldu .
– Miän kirikkö on vahna . Seizou Stuanun mualla 250 vuotta .Salvettih , noššettih hiän karielat .I kaiken aijan täššä oli kirikkö .Kirikkö on talvi - i kezäkirikkö , ozuttau meile kirikkyö L’udmila Nikolajeva .
Stuanun kirikkö on erinomaine , sen sydämes on äijy puus leikattuu čomendustu .Enne oli kai pyhien puuvestostu .Kirikös on kolme prestolua .Kezäkirikös on Pokrovan prestolu , talvikirikös oigiel käil on Sreiten’n’an prestolu , hurual – pyhän kniäzin Tverin Mihailan prestolu .Joga pyhiäpäiviä da suurinnu kirikköpruazniekoinnu tiä pietäh sluužbua , kunne kävyy rahvastu Stuanul da lähikylispäi .
– Kirikköh jogo pyhäpäiviä pošti kävelemmä , vielä i kliirosul lavlamma . Kiriköššä luvemma Otče naš karielan kielellä , sanou lähikylän Šul’ginan eläi Anatolii Zverev .
Anatolii lugi meile tämän malitun : "Tuatto miän , kumbane olet taivahašša , ana hyvyttiäčöy nimi siun , ana tulou kangahuš siun , ana liey vällä siun kuin taivahašša niin i mualla .Hengen pidäjen niin leibä ana meilä aino .Jätä meilä vellat miän omat , kuin myö jättelemmä miän velguniekoilla .Elä vaivastele meidä vaivah , no piäššä miät pahašta .Amin’ ".
Udvuorina – vahnu da čoma karjalaine kylä
Stuanun toizes , päivänlaskuagjas , on Komojediha libo Udvuorina .Ylen čoma ennevahnalline kyläine , kus tännesäh on äijy vahnua karjalastu kodii , vibukaivuo da mustua kylyy .Udvuorina ei muuttunuh ylen äijäl .Juuri nämmien ennevahnallizien salvoksien periä Stuanu on puuttunuh Ven’an kaunehimien kylien joukkoh .
– Udvorna en tiijä , min tuači , ka žen tuači , ka täššä goralla oli bajarin usuad’ba . Bajari eli ka täššä .I Udvorna U dvora , moužet ka tämän tuači .En tiijä .A nyt on kaikki Stuanu , nenga sellitti Udvuorinan nimen Stanislav Maksimov .Mies on viijiskymmenis , on sidä nuorembastu polvie , ket hyvin paistah karjalakse .
Kuigi Udvuorinan nimi , Stuanun nimi on ven’ankieline .Sanotah , kylä nimitettih muga sikse , ku tiä stuanul , luageril , seizoi kniäzi Tverin Mihailu-kniäzin sodajoukko enne torua tatuaru-mongouloinke .Karjalazet tänne tulduu vai muutettih nimi omah karjalazeh luaduh .Meijän paginkanzoin , Stanislavan da hänen diädän Jevgenii Orlovan da hänen Zinaida-emändän roindukylät on nimitetty karjalakse .
– Myö Žen’anke ka tässä reunašša kylä , Uužikylä . I moine nimi oli .Da-da .Uužikylä , sanou Stanislav .
– Missä mie šynnyin , meilä oli Matveinkylä , a jälles Ramenje . No tämä moužet , ken enzimäne eläjä oli , ka tämän kohtan pandih moine nimi .Tämän tuači voit olla , ližäi Zinaida Orlova .
Stuanul da sen ymbäristös on pienembien kohtien karjalastu nimie .Bajarin - da Papinpeldo , Ruagašuo da Palo , Joventavuš da Kannikkoaho – kai nämmä peldoloin da niittylöin nimet ollah karjalazien annetut .Niih on jiännyh musto miehis , kudamat enne elettih da ruattih täl lohkol .Karjalazet paikannimet hos ei olla turkikse , ga toiči äijäl lämmitetäh da juohatetah endisty elaigua , konzu tiä joga talois kuului karjalan kieli .
Karjalaine Stuanu on Ven’an kaunehin kylä. 2
Livvi
New written Livvic