Error:
Permission denied
Texts
Return to list | edit | delete | Create a new | Statistics | ? Help
Irina Zaitseva. Lapšet opaššutah karjalan kieltä
Irina Zaitseva
Lapšet opaššutah karjalan kieltä
Karelian Proper
New written karelian
Viime
vuuvven pimiekuušša Koštamukšen koulun ulkopuolisen ruavon keškukšešša avautu uuši Ihmehellini karjalan kieli -kerho 8–12-vuotisilla lapšilla .
Kerhošša lapšet opaššutah karjalan kieltä , tutuššutah karjalaisen rahvahan kulttuurih , istorijah ta perintehih .
– Kaikkieh kerhošša on 12 lašta . Kaikin opaššutah karjalan kieltä tyhjäštä , ka ušeimmilla heistä ämmöt , ukot ta vanhemmat tiijetäh karjalua .Mie staraičen viettyä oppituntija pelin muuvvošša , lisyän luovua työtä .Esimerkiksi opaštuos’s’a Uuši vuosi -aihetta lapšet tutuššuttih uuteh šanaštoh ta luajittih poštikorttija , mih kirjutettih toivomukšie karjalan kielellä .Staraičemma piiruštua enemmän , monissan korttija helppoine tehtävineh , kertou kerhon opaštaja Anna Nikandrova .
Omašša työššä Anna Aleksandrovna käyttäy Jelena Pankratjevan luatimie opaššuškirjoja ta ruatovihkoja .
– Miun tehtävänä on tuttavuššuttua lapšie karjalan kielen erikoisukših , karjalaisen rahvahan perintehih ta istorijah šekä Vienan Karjalan ainutluatuisuoh . Piemmä lapšilla tilaisukšie yheššä meijän kaupunkin karjalaisien aktivistien kera , koroštau opaštaja .
Pimiekuušta alkuan lapšet opaššuttih Tuttavuštumini -, Pereh -, Karjala - ta Uuši vuosi -aihiet .
Opaššušvuuvven lopušša Anna Aleksandrovna yheššä opaštujien vanhempien kera meinuau järještyä matan Vuonniseh ta Vuokkiniemeh .
Talvikuun lopušša kerhon opaštujat ošallissuttih Keškikirjašton Kanšallisukšien välisen yhteistyön keškukšen järještämäh uuvvenvuuvven pruasniekkah .Šiinä hyö čukelluttih karjalaisien perintehien muailmah : tavattih Pakkaisukon ta Vierissänakan kera , pelattih karjalaisih pelilöih , arvattih arvautukšie , juotih tuokšujua čäijyö ta šuatih lahjoja .
Lapšet opaššutah karjalan kieltä
Karelian Proper
New written karelian