Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Nadežda Vasiljeva. Luajimma omin käsin!
Nadežda Vasiljeva
Luajimma omin käsin!
Karelian Proper
New written karelian
Pyhänäpiänä
Raisa Denisova kiirehtiy tapuamah Uhtuan näkijäiset -klubin ošallistujien kera .Naini innokkahašti vuottau šitä hetkie .Hiän ei tule tuntih vain konša tervehyš pettäy .
Uhtuan näkijäiset-klubista Raisa Viktorovna löytäy rauhua , intuo ta mahollisuon toteuttua omie meininkijä .Nuorena ollešša hiän mäni miehellä ta šiirty Moskovah .Šielä naini ruato , kašvatti tyttöjä , oli hyvänä ta huolehtivaisena puolisona .Onnakko Raisa aina ikävöičči kotimuata , valkeita öitä , Karjalan talvipakkasie , Kalevalan hil’l’asie iltoja .Jiätyö eläkkehellä naini šuoriutu kotih , omilla juurilla , niih paikkoih , missä hiän vietti lapšuon ta nuoruon .
Melkein Uhtuan näkijäiset -klubin peruštamisen päiväštä Raisa Denisova on ollun šen aktiivisena ošallistujana .
– Tykkyän käyvä klubissa . 75-vuotisena ollešša staraičen tulla joka luovah tapuamiseh ta aina vuotan niitä , koroštau miun pakinakaveri .
Uhtuan näkijäiset -klubi peruššettih Kalevalataloetnokulttuurikeškukšen tiloih 15 vuotta takaperin .Šen ruato alko karjalaisen koššon ompelušta .Kerhon ošallistujat tutkittih puvun eri elementtijä , kyšyttih neuvuo kotišeututkijilta , tutkittih kirjallisutta .
Ruato kešti muutoman netälin ta šen lopettamini toi šuurta tyytyväisyttä .Enši kertua kerhon ošallistujat näytettih omin käsin ommeltuja koštoja Kalevalan perintehelliseššä Uhtuon karjalaisien kešäpruasniekašša .
Uhtuan näkijäiset -klubin toiminnan aikana ošallistujat opaššuttih eri käyttötaitolajija .Naiset merkattih tauluja nauhoilla , kuvottih mattoja , ommeltih karjalaisie šuojelukukloja , leikattih paperista loukollisie kuvie ta opaššuttih toisie käsitöitä .
Eniten ošallistujie miellyttäy keittotaitokuršši .Meijän naiset mielelläh laitetah karjalaisie piiraita , varen’n’oja , šuolaissukšie .Jokahisella heistä on oma resepti ta šala .Vot i pakkaiskuun viimesešša tapuamisešša muissettih lapšuon makuo – keitettyö šokerie .Ennein meijän ämmöt aina keitettih šitä maijolla ta lisättih voita .Kuin makieta še oli !
Keitettyh šokerih Uhtuan näkijäiset -klubin ošallistujat paissettih keksijä ruisjauhošta , kumpani niise oli tunnettu karjalaisissa perehissä .Juuvvešša čäijyö keksien ta šokerin kera kalevalalaiset muasterit muisseltih männyttä aikua , omua lapšutta – višših elämän onnellisinta kautta .
Luajimma omin käsin!
Karelian Proper
New written karelian