Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Ol’ga Dubitskaja. Keskiaigu uvvessah Petroskois
Ol’ga Dubitskaja
Keskiaigu uvvessah Petroskois
Livvi
New written Livvic
Tänävuon
on äijy vuozipäivyniekkua .Niilöin joukos on Skål -istouriellizen rekonstruktsien kluubu , kuduale tuhukuus täydyi ei äijiä-vähiä kymmene vuottu .
Histouriellizen rekonstruktsien Skål-kluuban rahvas ommeltah da luajitah moizii sobii da vehkehii , kudamii piettih viikingoin aigah (IX – XI vuozisuat ) slaavilazet , Skandinaavien eläjät , korela-heimo da suomelazet .Rekonstruktorat "kiännytetäh " heijän elaigua , vojennoidu kul’tuurua da neroloi .
Kluuban nimi tulou skandinaavizes skål-sanas , kudai ruočin kieles merkiččou mal’l’ua .
Kluubu "Skål " on perustettu vuvvennu 2006.Enzimäzinny kluubalazinnu oldih Julija Zaitseva , Dmitrii Pantelejev , Dmitrii Vorobjev .Enzimäzenny kluuban piälikönny oli moskovalaine Mihail Kožanov .
Nygöi Skål-kluubas on läs 30 hengie , suurin vuitti heis eläy Petroskois .Ongi heijän keskes moskovalastu da piiterilästy , Mončegorskan da Segežan eläjiä .Äijät heis ollah kluubas sen perustamizen päiväs algajen .
Omakse vuozipäiväkse Skål-kluubu valmisti fotokuvaozuttelun "Borču histourienke ".Ozutteluu suau nähtä Kanzallizes muzeis da se rubieu ruadamah kevätkuun 6. päivässäh .Ozutteluh on pandu fotokuvua Skål-kluuban arhiivaspäi .
Suovattan , 6. tuhukuudu , piettih pruazniekkukonsertu , kudai oli omistettu Skål-kluuban vuozipäiväle .Täh konsertah yhtyttih Skålalazet , gost’at , Karjal-ansambli , Drolls-keskiaigazen muuzikan ansambli da "Figlers Fiddlers ".Sinä piän Skål-kluubah kuulujat otettih vastah hyvittelylöi da lahjoi .Stražnik-kluuban piämiehilpäi hyö suadih lahjakse kummakkahan idolan , kudamal on kondien piä , piäs kozan sarvet da tagan reboin händy .Ku ristikanzu hieronou idolan kieldy da pannou sen suuh d’engazen , rounoku vältämättäh roihes ozakas .
Kymmenes vuvves olemas olles "Skål " yhtyi monih festivualiloih da kul’tuuruprogrammoih .Niilöin joukos Lipetskan alovehel piettävy "Rusborg ", "Vahnu Ladogu ", Ven’an enzimäine piälinnu -festivuali Leningruadan alovehel da toizet festivualit .Vuvvennu 2015 Skål-kluubu iče valmisti festivualin .Elokuus 2015 Petroskois , Oniegan järven rannal piettih festivuali "Oniegu .Pohjazen tarinat ".
Skålalazet yhtyttih Muzeiloin yö -aktsieh , Petroskoin linnan päiväh , Karjalan tazavallan vuozipäiväh .
Sen ližäkse "Skål " kävyy turistumatkoih , ad’voih dovarišoin luokse , kuduat ollah heijänmoizet rekonstruktorat , pruaznuiččou Jol’-talvipruazniekkua .
Sidä paiči kogonazen kuun Kanzallizes muzeis ruvetah ruadamah interaktivnoit muaster-kluasat "Elävynnyh keskiaigu ", kudualoin vedäjinny ollah kluuban rahvas .Yhtyö niilöih muaster-kluassoih voibi jogahine , ken tahtou .Muaster-kluasat pietäh Kanzallizen muzein pertis Leninan lagevo , 1 -adresil .
Hyvittelemmö Skål-kluubua Vuozipäiväl !Pitkiä igiä kluubale , ližiä kluubalastu , uuttu löydyö da samanmielisty ristikanzua !
Fakta
– Skål-kluubu on ebävirralline organizatsii .
– Skålalazien keski-igä on 25-35 vuottu .
– Gu piästä Skål-kluubah ristikanzal pidäy olla vähimite 18 vuottu .
– Kymmenes vuvves kluuban ruadoh yhtyi läs 50 hengie .
– Kluuban rahvas maltetah taguo , sulattua , nostua päččilöi , kuduo , kezrätä da äijän muudu .
Keskiaigu uvvessah Petroskois
Livvi
New written Livvic
–
Dubitskaya, Olga
Средневековье снова в Петрозаводске
Russian
–