Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Ol’ga Dubitskaja. Karjalan kieldy Čalnas
Ol’ga Dubitskaja
Karjalan kieldy Čalnas
Livvi
New written Livvic
Jälgi
aigua ainos vai enämbi täyzi-igästy ristikanzua tahtotah opastuo karjalan kieldy .Muga on Čalnasgi .Sie ruvettih opastumah karjalan kieldy kerras , konzu vai lövvettih opastai .
Čalnas karjalan kieldy opastau livvinkarjalaine Vera Petrovna Noskova .Karjalan kielen kursiloi pietäh Tuomi-etnokul’tuurizes keskukses kerran nedälis .Kaččomattah sih , ku kursit ollah vaigu čuasun aigua da täl nedälil oli vaste toine kerdu , konzu kursuniekat kerävyttih yhteh , naizet jo hyvin maltetah tervehtie toine tostu , kyzyö elaigudieloloi da proššaijakseh karjalakse .
Kaikkiedah karjalan kielen kursiloile kävyy viizi naistu .Hyö kai hyväl mielel lugietah da luajitah pienii dialougoi .Paiči sidä karjalan kielen urokoil naizet kačotah da kuunnellah uudizii karjalan kielel , kuvitellah karjalakse kaikenmoizii šekkoi : midä pidäy sanuo , konzu työnnät ukkuo kalah , kui sanuo tervehytty susiedale da muga ielleh .
Karjalan kielen urokku jatkuu čuassu , enzimäi naizet toistetah , mi oli opastettu mennyt urokal , sit ruvetah opastumah uuttu aihettu .Täl kerdua naizet tuttavuttih opastandukniigah , kuduadu myöte hyö ruvetah opastumah .Se on Ol’ga Žarinovan Pagizemmo karjalakse -kniigu da Jelena Filippovan paginsanakniigu .
Tuomi-keskuksen johtajan Galina Hanenkon sanoin mugah Čalnas jo ammui tahtottih opastua karjalan kieldy , ga vaste nygöi löydyi opastai .
– On hyvä , ku karjalazes kyläs tahtotah opastuo karjalan kieldy , jatkau naine . – Paiči karjalan kieldy meil "Tuomes " pietäh master-kluassoi , kudualoil opastetah pastamah karjalastu šipainiekkua da keitinpiiruadu .
Sanakse , nämmii master-kluassoi pidäy Tatjana Sygijäinen , kudai nygöi opastuu karjalan kielen kursiloil .
– Iče minä olen vepsäläine , olen rodužin Vepsän voulostispäi . Lähtin opastumah karjalan kieldy sendäh , ku elän Karjalas , karjalazes kyläs .Minun mieles kaikile , ket eletäh Karjalas , pidäy tiediä da maltua paista karjalakse , sanou Tatjana .
Jelena , kudai sežo kävyy kursiloile , pajattau Bes’odaine-muuzikkujoukos .
– Enne kursiloile käyndiä minä en ellendännyh mis pajatan , a nygöi jo tiijän erähii sanoi da ellendän vähäzen , mis on pagin pajos . Minä olen karjalaine da viideh vuodessah en paissuh ven’akse nivouse .A sit karjalan kieli unohtui kogonah .On ylen hyvä , ku Čalnas ruvettih opastamah karjalan kieldy .Nygöi myögi voimmo mustoittua omua muamankieldy .
Hyvä on , tiettäväine , ku karjalazis kylis rahvas iče tahtotah opastuo da kannattua karjalan kieldy .Hyviä lykkyy naizile karjalan kielen opastundas da uuzii opastujii Vera Petrovnale !
Himoittas uskuo , ku kielen opastai Vera Noskova potakoiččou omii opastujii lugemah karjalakse da čalnalazien kursuniekoin vuoh suurenou Oma Mua -lehten lugijoin joukkogi .
Karjalan kieldy Čalnas
Livvi
New written Livvic