Texts
Return to list | edit | delete | Create a new | Statistics | ? Help
Ol’ga Dubitskaja. SAR-projektu
Ol’ga Dubitskaja
SAR-projektu
Livvi
New written Livvic
SAR on
Sotsiuallis-aktiivizet ruadopertit -projektu .Se yhtistäy Karjalan tazavallan erähien alovehien niistielöi , neroniekkoi , dizaineroi , ammatillizii žurnalistoi da fotokuvuajii , biznesmiehii da aktiivizii ristikanzoi .Tämä projektu algavui tuhukuus da jatkuu heinykuuh suate .
Tämä projektu yhtistäy ammatillizii uvvenluadijoi , niistielöi , biznesmiehii da dizaineroi , kuduat avvutetah niistielöile luadie hyviä luaduu vehkehty .Eri aloin opastajat opastetah niistielöi eriluaduzih taidoluaduloih .
SAR-projektu kuččuu yhtehizeh ruadoh Videlen internuatas da Petroskois eläjii niistielöi , biznesmiehii da yhteiskunnallizii liittoloi , kuduat tahtotah kannattua niistielöi .
Nämä vehkehet , kudualoi luajitah niistiet , ollah tarkoitettu petroskoilazile da turistoile .
SAR-projektan hantuzis organizuijah opastanduseminuaroi da Start-Up :at erilazis tehnieköis .Nämmis tehnieköis kerdoi projektan johtai Svetlana Kol’čurina .
– Meil on moni Start-Up :ua – tekstiil’u , puusepän dielo , printu , nieglomine da laboratourii . SAR tekstiil’u tarkoittau tekstiil’usuveniiroin tuottehien kehitändiä .Videlen internuatan naizien neroloi käyttäjen meijän dizaineru luadiu viizi-kuuzi tuotehtu tehnolougiellizien kartoin mugah .Niistielöin azuteksii sit voibi kaččuo projektan ozuttelus .
SAR puusepän dielo on moine projektu , konzu dizaineran da ammatillizien puusepän avul Videlen internuatan miehet ruvetah luadimah puuhizii vehkehii .
SAR printu tarkoittau , ku Fan store -kreativnoin joukon
da taidoilijan avul niistiet lapset piirustetah kuvii , kuduat sit pannah kuppiloile da torielkoile .
SAR nieglomine merkiččöy , ku rubieu jatkumah Sv’ažems’a-kluuban ruado .Opastanduprogrammu on luajittu kluubalazih niškoi , ku luadie pienii da funksionuallizii vehkehii .
SAR laboratourii : täs ruvetah luadimah tuottehii käytettylöis vehkehis – vedolukkuzis , nyblis , tekstiil’as da muga ielleh , kudamii voijah luadie niistiet .
– Meijän projektan yksi loppupidolois rodieu hyvyönluadii auktsion . Auktsional suavut varat annetah niistielöin ruadopertilöih , ku projektu jatkus ielleh .Mugai den’gua ruvetah suamah toizien ristikanzoin avul internetan kauti .
SAR-projektal on partn’ourat – Tervehyönhoijon ministerstvu , "Agriculture_club ", Dizainagentstvu "Sovas-tsentr ", Kinotsentr "Kalevala ", kreativnoi joukko "Fan store " da Videlen internuattu .
Yhtyö täh projektah voibi soittajen Svetlana Kol’čurinale telefonal +7921******* libo tulla adressil : Petroskoi , Pervomaiskii prospektu , 2.
SAR-projektu
Livvi
New written Livvic