Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Ol’ga Dubitskaja. Karjalan kieli juurduu internettah
Ol’ga Dubitskaja
Karjalan kieli juurduu internettah
Livvi
New written Livvic
Petroskois
kolme päiviä piettih paginua karjalankielizes Wikipedies .
Karjalan tazavallan piälinnah kerdyi äijy rahvastu , sie 7.-9. oraskuudu piettih Suomelas-ugrilastu Wiki-seminuarua .Täl kerdua sie paistih karjalankielizes Wikipedies , kudai vie on inkubatoras .
Tämä seminuaru oli monikanzalline .Seminuarah yhtyi rahvastu Estounies , Suomes , Moskovas , Piiteris , Udmurties , Baškiiries da Petroskoispäi .
Vladimir Medeiko , Wikimedia Rossija -laitoksen johtai , da Kaarel Vaidla , Estounien Wikimedia -laitoksen johtai tervehtettih seminuaran gostii .
Paginanvedäjien joukos oldihgi Kielen , literatuuran da histourien instituutan ruadajat – Valentina Mironova , Jekaterina Zaharova , Nadežda Lobanova .Andrei Križanovskii saneli vepsän kielen korpukses : kui se ruadau , mi on jo ruattu da tulien aijan pluanois .
Ilja Mošnikov saneli karjalankielizes Wikipedies da sen probliemois .Niilöin joukos ollah kielinero , aktivistoin da motivatsien vähys .Vie ei ole piätetty , pidäygo luadie yksi , kaksi libo kolme karjalankielisty Wikipediedu .
Baškiirien Wikipedien aktivistu Ansar Nuretdinov sanoi omas välläs entsiklopedies .Baškiirienkielizes Wikipedies on läs 36 tuhattu kirjutustu .Vie häi sanoi , ku Baškiiries eläy 130 kanzan rahvastu , ga hyö yksikai luajittih Wikipedien omal baškiiroin kielel .
Karina Miščenkova Moskovaspäi baskoin da katalonskoin kielien ezimerkil saneli , kui suau piästiä täs vaigevukses karjalan kieli .
Iževskaspäi tulluh Jelena R’abina kerdoi udmurtienkielizes Wikipedies , kuduas on 3688 kirjutustu .Se on jo tovelline Wikipedia da silgi on omua probliemua – paha udmurtien kieli , suuri miäry uuttu sanua , kirjuttajien pieni miäry .Udmurtien Wikipedies on registriiruittu 7337 kirjuttajua , a kirjuttau sih vaiku 21 hengie .
Paiči Wikipediedu Wikimedia Rossija -organizatsiel on vie äijy projektua .Yhtes niilöis saneli Sem’on Krasotkin , "Wiki-uudizien " toimittai .Häi sanoi , ku "Wiki-uudizet " ven’akse roittihes vuvvennu 2005 da nygöi net ollah kuvvendel sijal niilöin saitoin joukos , kuduat kirjutetah uudizii .Vuvven 2016, pakkaskuus , Wiki-uudizet Ven’al ollah mul’tikielizet .Nygöi niidy kirjutetah jakutien
da baškiiroin kielel .Paiči ezitelmii seminuaras oldih master-kluasat da paginat .
Petroskoin gost’at kačottih linnua , a seminuaran kolmandennu piän gostile puutui kävvä Kižin suarele .Ajoi huondeksel kaikin ajettih avtobusal Kondupohjah da sit Oniegan järves poikki Hitek-akvabusal .Sinä piän Kižin suarel ei olluh äijiä rahvastu , sendäh oli hyvä kaččuo nähtävyksii .
Seminuaran jälles kaikil oli mieles se , kui vois auttua karjalankielizele Wikipediele , ku se piäzis inkubatoraspäi .Työgi , hyvät lugijat , voitto kirjuttua karjalankielizeh Wikipedieh !
Wiki-fakta :
– Wikipedien lajittelun mugah suomelas-ugrilazet kielet ollah pienet Ven’an kielet .
– Wikipedia on enzimäine saitu , kuduas rahvas suajah eri tieduo .
– Wikimedia Ven’a -organizatsii on perustettu vuvvennu 2008.
– Suurimat suomelas-ugrilazet Wikipediet ollah Suomen , Vengrien da Estounien .
– Muailmas on 27 Wikipediedu Ven’an kielil da niilöin joukos on kaheksa Wikipediedu suomelas-ugrilazil kielil .
– Internetas Wikipedia on viijendel sijal sen mugah , kui puaksuh sidä kačotah rahvas .
Karjalan kieli juurduu internettah
Livvi
New written Livvic
–
Dubitskaya, Olga
Карельский язык пустил корни в Интернете
Russian
–