Texts
Return to list | edit | delete | Create a new | Statistics | ? Help
Sidorkin, Valerii. Tatjana Markelovan tilkkumuailma
Sidorkin, Valerii
Tatjana Markelovan tilkkumuailma
Karelian Proper
New written karelian
Piiteriläisen muasterin ta
taiteilijan Tatjana Markelovan Elämäkerrallistanäyttely toimiu Käsityöammattien talošša .
Tatjana lopetti A .I . Gertsenillä nimitetyn Pedagogisen yliopiston .Jo melkein 35 vuuvven aikana muasteri šyventyy tilkkuompelun muailmah .Iče Tatjana šanou tätä tekniikkua tekstiiliplastiikakši .Hänen tevokšet tovella erotah perintehellisistä tilkkutäkkilöistä .Muasterin taitajat kiät luajitah tilkkutauluja .Šamoin omua tekniikkua Tatjana šanou ommeltukši niinipuupiirrokšekši .
– Še on miun tyyli , šelittäy Tatjana . – Vanhat perintehet liitytäh nykyaikaisuoh ta eläyvytäh . Lopulta šyntyy mitä lienöy uutta , liikuttavua , šyväšti henkilökohtaista , ka šelvyä kaikilla .
Šuurih šeinäpaneliloih ta pienih tauluih Tatjana Markelova kuvuau piiplijajuonie ta kukkavihkoja .Omissa töissä Tatjana yrittäy šuaha mielikuvitukšeh ilmeštyjie idejoja , ottua niitä kiini ta toteuttua pintarakenteheh , värih , viivojen liikkeheh ta väritäplien leikkih .
Tatjana ei jätä luovua elämyä matkojen aikana : hiän aina ottau tilkkuja , nauhoja , lankoja ta hakaniekloja .
– Še on oša elämäštäni , muasteri šanou . – Haluon luuvva omua taikamuailmua , šiirtyä kankahalla omie ajatukšie , mielikuvitušta ta rakkahutta kaikkeh , mi on ympäri milma .
Tatjana Markelova monta kertua on käynyn Petroskoissa .Joka kerran mieleh tuli ajatuš viettyä yksityisnäyttelyö juuri Käsityöammattien talošša .Ideja toteutu .
Elämäkerrallista-näyttelyššä esillä on šuurie panelija ta pienie tauluja , keramisie veššokšie , taito-objektija ta luatijan koruja .
Kävijät šuahah tutuštuo Tatjana Markelovan töih Karjalan kanšanneron ta kulttuurialottehien Käsityöammattien talošša tuiskukuun 22. päiväh šuaten .
Tatjana Markelovan tilkkumuailma
Karelian Proper
New written karelian