Texts
Return to list | edit | delete | Create a new | Statistics | ? Help
Nina Zaiceva. Kättepajo kodilidnale
Nina Zaiceva
Kättepajo kodilidnale
Veps
New written Veps
Sinisil'mäižen
Anižen randal
seižub Petroskoi , Karjalan keskuz .
Veden läik sille tüništust andab ,
čomut - aldoiden sinine leskuz .
Petroskoi , magada ,
sinunke jagada
minä azjoid i holid-ki tahtoin .
Petroskoi , magada ,
sinunke tagoda
minä ozad i ihastust mahtan .
Irdad vodaba järvennoks pigai ,
kuti tahtoiba vedehe tacta
päivän männuden kibuid i vigoid ,
miše homnehe veslemba kacta .
Armaz kodilidn , unohta holed ,
vaugedsuugaine ö sindai katab .
Lujas čoma sä unes-ki oled ,
kudmoin hoštotez magadust satab .
Minun Petroskoin tervehtai-uni
suugad levitab .Tünik om kaiktä .
Pajoid Änine läikičeb kuni ,
puištod-ripsud om saubatud vaikti .
Petroskoi , magada ,
sinunke jagada
minä azjoid i holid-ki tahtoin .
Petroskoi , magada ,
sinunke tagoda
minä ozad i ihastust mahtan .
Kättepajo kodilidnale
Veps
New written Veps