Texts
Return to list | edit | delete | Create a new | Statistics | ? Help
Nina Zaiceva. Tugi
Nina Zaiceva
Tugi
Veps
New written Veps
Elonte
om kover ,
mägekaz i jüged ...
Tarbiž jaugad sorvad ,
tarbiž löuta tugi .
Tugen paksus oma
sebranikad rindal -
el'gendaba čomin ,
kükskoi ei hö sindai .
Kaiken oma läz hö
opalas i ilos ,
sures azjas , vähäs ,
lämäs säs i vilus .
Vaiše pidab nähta
hüvüt ümbri , mirus ,
arvostada mahtta ,
ken om sinun sires .
Kenen heng om avoin ,
ken ei tahtoi ohkta ,
kenes palab lämoi ,
kenen südäin - rohked .
Oigendab ken käden ,
pakičed konz abud ,
andab pälpäi sädon ,
a ei pästa pagod .
Tugi
Veps
New written Veps