Texts
Return to list
| edit | delete | Create a new
| Statistics
| ? Help
Nina Zaiceva.
Kaikele taivhan al...
genre: Lyric work
Source:
Vauktan unen süles. Petroskoi: Periodika, 2008, p. 23
Nina Zaiceva
Kaikele taivhan al...
Veps
New written Veps
Kaikele taivhan al
ičeze aig.
Sulab tal'vlumi mal,
änikoiš kaik.
Kudmaine vauktust tob
lühüdal öl.
Zor'aine čomut lob
käbedal völ.
Pörutab minun pän
armastuzil'm.
Uneta hätken jän,
om hengel hil'l'.
Kulišti äkkid korv:
se tuli päiv,
tordaškanz' opaltorv,
toi pahut äi.
Mitte-se käred sü
erigoit' meid,
tuli kut opak kü
i armhan vei...
Jügedas elon pal'l'
rindhiže löb.
Poleneb ozan mal'l'!
Ken sišpäi job?
Antkat-vei lainduz vet!
Saubakat žar!
Näget, kut voikan, et?
Südäimes - kar!
Nügüde elo om
pal'l'az i gol'l'.
Mujukaz kezažom -
ik nece ol'?