Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Nina Zaiceva. Elonpurde minun pal'l'az
Nina Zaiceva
Elonpurde minun pal'l'az
Veps
New written Veps
Elonpurde minun
- pal'l'az ,
väzund südäimehe tuleb ,
melid sündub ani väll'as ,
minun henges lämoi sulab .
Jose en voi vägid sada ,
ližadoitta henghe lämoid ?
Jose melentartuz' kadob ,
unohta en holid amuid ?
Uskon : keväz' pezeb melen ,
puhtastoitab hengen pohjan ,
sel'genzoitab , kut mä elän ,
andab uden elonohjen .
Varastan mä päiväšt lämäd ,
ozad ut i uzid toivoid …
Abud kodihe mä mänen ,
küzun sidä kodikoivuil .
Kodiš uksed kaiken avoin ,
iknad laskvil sil'mil kactas ,
vezi puhtaz kodikaivos ,
koivun kuva kaivho tactud ...
Kodi armaz , koivud , vezi ,
südäinholid polenzoitkat !
Necen amussai mä tezin :
teiden nevond - kaikid oiktemb .
Elonpurde minun pal'l'az
Veps
New written Veps