Texts
Return to list
| edit | delete | Create a new
| Statistics
| ? Help
Nina Zaiceva.
Tämbei uniš sendai nägin, armaz
genre: Lyric work
Source:
Vauktan unen süles. Petroskoi: Periodika, 2008, p. 36
Nina Zaiceva
Tämbei uniš sendai nägin, armaz
Veps
New written Veps
Tämbei uniš sindai nägin, armaz,
seižuim rindal necis unisarnas,
i hot' tundui hulil eron mezi -
armastusen oza oli ezil.
Unen olo südäimehe loihe,
sulin sihe armastusen voihe...
Vaise magada ei eron mado,
uni kuna-se jo kadob, kadob...
Unes tahtoind en mä uskta sihe,
tacin laptaha kut pahan vihan,
armaz - rindal, südäin veslas löse,
vajehtada min-se voiži Jose?
Armhan sanoid unes mä en kule,
nägen vaiše, likuba kut huled...
Olda voib - mä kulda-ki en tahtoi,
südäimele möst om rindhiš ahtaz.
Voziš päliči en kule sanoid
unes sanutuid, niid sanoid amuid.
Erosanoid kibedoid en kulend,
muga ühtes kuti jäim mö, sula.