Texts
Return to list | edit | delete | Create a new | Statistics | ? Help
Nina Zaiceva. Mecarmastuzstarin
Nina Zaiceva
Mecarmastuzstarin
Veps
New written Veps
Neniden
puiden igä om pitk .Ned oma kaznuded ülähäks anttes sijad ičeze oksiden al norile puile .A jo nored pud oma lühüdad i levedahkod .Suriden puiden oksad ei antkoi kazda niile ülähäks .Sikš ned kazvaba kaikihe polihe , tegesoiš levedoikš .
A naku om vaugedtüvine nor' koivut .Se kazvab vähälžen laptas .Se om korged i kazvab ani joudajas .Oksad oma mugoized barboikahad da vihandad .
Kaceg tartub niden vihandushe muga , miše ed voi kärauta sil'mid tožihe puihe , ani kuti nece nor' čoma koivut oliži noid .Kaik toižed -ki pud oližiba ani kuti käraudanuded ičeze oksad sen polhe , kuti oliziba tahtoinuded tervehtoitta sidä , sanuda sille äi lämid tervhensanoid vai sanuda sille ičeze sures armastuses .
Sil'mihe tuleb nor' pedai .Se -ki kazvab vähälzen laptas .A sen ladvas kazvajad neglakahad oksad kacuba mugažo vihandaha kidžeraha koivudehe .Om mugoine tundmuz , miše pedai om vähäižen kumardanus -ki koivun polhe .
Mecarmastuzstarinoid voib homaita äjan , ved' mec om eläb .Vaiše pidab mahtta niid nägištada .Mugoine armastuz nikonz ei sambu .Ved' pud ei mahtkoi möda toine tošt !
Mecarmastuzstarin
Veps
New written Veps