Texts
Return to list | edit | delete | Create a new | Statistics | ? Help
Nina Zaiceva. Minun Voilahtele
Nina Zaiceva
Minun Voilahtele
Veps
New written Veps
Oled
soiden i korbiden taga ,
Armaz kodima , Voilahten külä ...
Kelle telustid ?Mikš teg’he pago ,
Eläjad kadoiba , elo-ki suli ...
A külä ved’ tehtud ol’ amu ,
Voib olda , sid’ eliba velled :
Mark ezmäižen tanhan ol’ pannu ,
A sid’ jo i Vir tartui melel .
Sauvoiba velled täs kodid ,
Čapoiba puid , penid , surid ,
Kaskid poltiba , kündiba holel ,
Maha taciba hö elojurid .
Jätiba velled sid’ jäl’ged :
Markutan , Virahtan seištas …
Aigad mäniba : voded i päiväd ,
Meiden sil’mišpäi äjan ned peittas .
Küläd ühtniba , Voilaht om sündnu ,
Ojan randaižel oli se sija ,
Oja-vajeh Voi-palaižes tundub ,
Oli laht kus – sur’ so teg’he mijal .
Kanzad kazvoiba , kazvoiba tanhad ,
Lapsid sündui i lapsiden lapsid ...
Eläjid tegihe norid i vanhoid ,
Muga hilläšti elo-ki jatksi .
Aigan sirttes sid’ sambuškanz’ elo ,
Voilaht-küläine tühjeni , muren’ ,
Pertid vanhaižed lankteba tele ,
Pidust’ ted seištas pud nügüd’ sured .
Voi , kut voikab täs südäimut minun !
Südänt poltab i kündliš om sil’mäd ,
Jose täs enamb elod ei linne ?
Rindhiš kibed om , ei täudu il’mad .
Kaumžom enzne völ sid’ vaiše eläb ,
Stroicanpäivän äi ristituid tuleb :
Kibu kolnuziš , kadojas küläs
I tusk kodimas hengid heil noleb ...
Minun Voilahtele
Veps
New written Veps