Texts
Return to list | edit | delete | Create a new | Statistics | ? Help
Darja Hil’. Suomalaiž-ugrilaižes školas tehtihe linduižid
Darja Hil’
Suomalaiž-ugrilaižes školas tehtihe linduižid
Veps
New written Veps
5. uhokud
"Kipinä "-kulehtesen radnikad Galina Baburova da Ol’ga Demidova vediba mastar’-klassan Suomalaiž-ugrilaižes školas 6. klassan openikoiden täht . Kaiked mastar’-klassaha ühtni 15 last .
Täl kerdal azjtedo oli omištadud linduižile .Openikad johtutiba erazvuiččiden linduiden nimid , ozaižiba ozoitesid da nimitiba lindun hibjan palad vepsän , karjalan i suomen kelil , eciba tematižid sanoid fillvordas .Nece oli kuti pen’ rahvahaližiden keliden urok .Sid’ lapsed tegiba čomitesid – ripkid : hö leiksiba kartonaspäi linduižed , a sen jäl’ghe čomin mujutiba niid , pirdiba vepsläižid znamoid da ornamentoid .Neniš ornamentoiš lapsile starinoiči Ol’ga Demidova – hän lugi lühüdan lekcijan vepsän rahvahan taidehen polhe .Jäl’gmäine hašk oli nitiden sidond .
– Tämbei mastar’-klassan tem oli "Linduižed ". Nece tem om lujas melentartuine kaikile , sikš ku pigai tuleb keväz’ i lapsed jo varastaba sidä .Mastar’-klassan vedäjad abutiba openikoile tehta hüvid linduižid , mujutada niid , pirtta niiš vepsläižid znamoid , miččid voib vastata vepsläižiš poimetišiš vai käzitehmusiš .Lapsed surel tahtol tegiba necen radon , i mastar’-klassan lopus hö ozutiba ičeze käzitöd da oliba hüviš meliš .Mö tahtoim sanuda sur’ spasib hüvile sebranikoile , "Kipinä "-kulehtesen radnikoile , i toivom , miše mugoižid vastusid tehtas enamba i mö iče-ki tulem adivoihe "Periodikaha ", – sanui Nadežda Petrova , vepsän kelen opendai Suomalaiž-ugrilaižes školas .
"Kipinän " jubileivoden aigan sen radnikad vedäba mastar’-klassoid kut erazvuiččiš školiš , muga ičeze toimištos-ki . Nece mastar’-klass oli jo toine jubileiserijas .
Suomalaiž-ugrilaižes školas tehtihe linduižid
Veps
New written Veps