Texts
Return to list | edit | delete | Create a new | Statistics | ? Help
Nina Zaiceva. Mecan noiduz'
Nina Zaiceva
Mecan noiduz'
Veps
New written Veps
Päiväine
kadoi puiden ladvoiden taga .Sidä ei nägu -ki jo , eskai sädegid ei nägu .Mecas om viluhk i märgähk .Kulub , kut hengib , eläbzub mec jäl'ghe räked päiväd .Maspäi libub čoma , verez hajuine .
Ühtnägoi iče ičeksein mas sirdäse märg lehtesut .Alpäi nouzeb noren heinüden hoikaine nolut .Mecas tundub erazvuitte magu .Vaiše ristituiden änid ei kulu .Minä seižun korttan koivun al .Om mugoine hillüz' , eskai en tahtoi likahtada sijaspäi -ki , en rohti pöl'gästoitta necidä hillüt , en rohti hengahtada -ki .No ühtnägoi kulub mitte -se än' .Ezmäi se ei ole rohked ,
kuti kodvib väged , no sid' tegese kaik lujemba i lujemba .Nece om öpajolind , sadakel' .Se ozutab , miše elo jatkub mecas öl -ki .Mecas om melodikahan pajon kulijoid necen täht .Se ei kulu muite .Tegen haškuižen , sid' toižen .Pidab jätta nece mecan noiduz' koskmatomaks .
Om žal' , miše mö , lidnan eläjad , em el'gekoi -ki sidä .Meile äjile oma mel'he lidnan äned .
Mecan noiduz'
Veps
New written Veps