Texts
Return to list | edit | delete | Create a new | Statistics | ? Help
Nina Zaiceva. Keväz'pajo
Nina Zaiceva
Keväz'pajo
Veps
New written Veps
Tuli
mugoine aig , konz änikoičeškanziba tomed .Tomen änikod kuti jagoiba ehtal toižile -ki vauktad mujud : vauktan oli korged keväz'taivaz , i il'mas -ki rippui midä -se vauktad .
Homendesel tomen änikoiden vauged lämoi kuti kazvoi völ enamban , i kaik mail'm hošti i paloi jumalanbemblen kartte .
Vihandad pöudod oliba mugažo hoštajad , i hoštai oli joguden vezi .Päiväižen lämoi kuti joksi koivuiden vauktoidme tüvidme , hošti noriš vihandoiš lehtesiš .A joguden vezi oli mugoine , miše oli kibed kacta sihe .
Nece oli hoštajan , noren keväden pajo .
Aigoiš homendesel zavodiba ičeze keväz'pajoid kezalindud , kudambad starinoičiba londusele , mitte čoma om kodima i kut jüged oli eläda verhiš maiš , hot' sigä om olnu -ki läm' .Tijaižed i paskačud , kudambile ei ole opak eläda kodimas , hot' mitte taht pakaine oliži olnu , toštiba veslas nenile armastuzpajoile i starinoičiba männuden tal'ven aigas , mitte vessel' i čoma se oli .Ved' lumi i hüde mugažo hoštiba homendesil tomiden änikoiden kartte , i nece -ki om mugažo unohtamatoi kuva .No nügüd' nene rohktad linduižed oliba kezalinduidenke üht melt : "Ka !Keväz' - nece om verai armastusehe , sida nimitte tal'vkuva ei voi vajehtada , mitte taht čoma se oliži olnu , pajatiba tjaižed , i nille andoiba vastust paskačud .
Sid' ühtnägoi korktas taivhas zavodi ičeze pajoid kegonpanilinduine .Se kuti püžui kaiken aigan ühtel sijal i laski kaikile kidoid : "Keza om jo kündusel , se om tulnu , pajati pen' linduine , algat unohtagoi vastata sidä änikoil da kezamuhuil !".I minä polgin heredas normudele , sen veresele pehmale i hoštajale vihandale heinäle .Suukuižen heinüden kosketand om aniku maman käden silituz , kudambad ei unohta ni üks' mez' kaikes ičeze elos .I sid' minä el'genzin , miš pajati minei kegonpaniilinduine : "Ka vastkam kezad puhthil südäimil , miččed om avaitud kuti maman armastusen täht !"
Keväz'pajo
Veps
New written Veps