Texts
Return to list | edit | delete | Create a new | Statistics | ? Help
Nina Zaiceva. Vauged uni
Nina Zaiceva
Vauged uni
Veps
New written Veps
Mokičemoi
uneta räkel magaduzsijal .Uni kadoi i ei righti tulda tagaze .Mušt radab pigašti , se vajehtab teravas kuvid minun päs .Kuvad oma kaikenlaižed : sel'ktad i opalahized , kut meiden elo -ki .I minä kuti arvostelen niid völ kerdan necen hillän ön aigan .Erasiden azjoiden jäl'g om kebn i vauged , erasiden - must i ličii .
Sid' iški pähä : ved' mö , vepsläižed , kucum necidä unetont aigad vauktaks uneks .I vaiše nügüd' minä el'genzin ühtnägoi neniden sanoiden peitsüvüt .Vauged uni anttas meile , miše mö voižim völ kerdan arvostelda kaikes tünüdes meiden päividen tegoid .I volžim loita i starinoita niiš meiden hengiden Tundijale , Taivhan Ižandale .Ka olgha armahtadud meiden vauged uni , miččen süles minä olen nügüd' .I mitte molev oli se mez' , kenele ezmäižele tull päha nece kelen kuva : vauged uni !
Vauged uni
Veps
New written Veps