Texts

Valentina Libertsova. Brendojevan vuozi on algavunnuh

corpus: Journalistic texts

Source:

Oma mua. № 7, 2026, p. 2

Valentina Libertsova

Brendojevan vuozi on algavunnuh

Livvi
New written Livvic

Tuhukuun
20. päivänny
Muamankielien
päiviä
vaste
Alavozen kirjastos
piettih
Vladimir Brendojevan vuvven
avajazet. Pidoh
yhtyttih
Karjalan
Rahvahan
Liiton
Alavozen ozasto
, Kul’tuurutaloi
, Alavozen školan
opastujat
da
opastajat
, karjalan
kursiloil
opastujat
da
toizet
kyläläzet
.

Anuksen
kanzallizes
piiris
piämiehen
Murii Vladimiran käskys
2026 vuozi
on
ilmoitettu
kuulužan
kirjuttajan
, runoilijan
, kiändäjän
da
karjalan
kielen
livvin
murdehen
kannattajan
Vladimir Brendojevan vuvvekse
. Karjalan
Rahvahan
Liiton
Alavozen ozastoh
kuulujat
Alavoizen taigin-teatrustuudii da
rahvahalline
Kummazet-pajojoukko kerras
piätettih
se
pidiä
mual
, kuduadu
myö
kirjuttai
erähiči
käveli
. Kirjaston
johtai
Natalja Mitrofanova kannatti
tämän
kehoituksen
da
enzimäzikse
varusti
hyvän
kniigu
- da
lehtiozuttelun, kuduadu
čomendau
meijän
nerokkahan taidoilijan
Anna
Mitrofanovan luajittu
runoilijan
kuva
.
Pivon
algoi Alavozen kylän
haldivon
piälikkö
Natalja Arhipova. Kul’tuurutaloin
ohjuaju
Ol’ga Bogdanova saneli
, mittuot
pivot
roitah
täna vuon
. Karjalan
Rahvahan
Liiton
Alavozen ozaston
ruadoloi
kerdoi
Valentina Libertsova. Vladimir Brendojevan elaigua
da
tuotanduo
ylen
tarkah
da
čomah
luaduh
ezitti
Tatjana Romanova, rahvas
mielihyväl
kuunneltih runoilijan
sulavua iändy
.
Vie
enämbäl
sydämellizet
välit
avai
nuorien
kandelehel
soittajien
Iloine-joukko opastajan
Galina Potapovanke. Vladimir Jegorovič oli
ylen
nerokas
muuzikkah
niškoi
, soitti
mandolinal da
soitol
, kirjutti
da
kiändi
äijän
pajuo
. Hänen
sanoih
luajitut
pajot
"Smiettizin
vai
kuldoi tulou
" da
"Petties
", kuduat
pajatti
Zoja Nazarova, kyynälissäh
liikutettih
mieldy
. Kummazet-pajoukko varusti
ylen
kaunehet
livvinkielizet
pajot
, kuduat
čomendettih
pruazniekan
.
Ven’an
kanzoin
yhtevyön vuvvel
suau
toven
ellendiä
, ku
kielien
da
rahvahan
kanzoin
tulii
oza
on
kiini
nuoris
. Sit
kaikin
ylen
tarkasti
kuunneltih, kui
lugietah
Vladimir Brendojevan runoloi
Alavozen školas
opastujat
Darja Rodionova, Ivan
Filimonenko, Art’om Rossijev. Varusti
heidy
Antonina Rossijeva. Häigi kučui
pidoh
karjalan
kielen
kursuniekkoi, ku
on
heijän
opastajannu
. Ilona Kasjanova tuli
omien
10. kluasan
opastujienke
, kuduat
hyväs
mieles
kačottih
ezityksii
.
Onnuako
kaikis
vuottavimannu da
mieldykiinnittävimänny rodih
se
, gu
lövvyttih
da
tuldih
pidoh
net
ristittyöt, kudamil
lykysti
nähtä
Vladimir Jegorovičua. L’udmila Aleksandrovna Gerasimova kerdoi
, kui
vedeli
miesty
Planeta-hevol čomendetus ries
kellozienke
poikki
kyläs
zavodan
syöndytaloih sen
jälles
, konzu
kirjuttai
sai
Jalmari Virtazen literatuurupalkindon. Vuvvennu
1988 Alavozen souhozan
silloine
johtai
Aleksandr Titov yhtes
tazavallan
Kniga-liitonke perustettih
sen
Virtazen literatuurupalkindon. Enzimäzekse
laureatakse
piätettih
panna
Vladimir Brendojev. Paiči
paginoi
vie
kačoimmo
čoman
videon
, kuduas
Jevgenija Andrejevna Digujeva lugou
Brendojevan Ladoga-runon. Valentina Rozentals saneli
palkindoloih
nähte
, ku
jälles
Anuksen
piiris
ruvettih
pidämäh
Täs
synnynrannan minun
algu
-festivualii
da
andamah
Vladimir Brendojevan nimisty
palkinduo
, kaksi
meijän
kylän
livvikse
kirjuttajua
suadih
sen
.
Vladimir Brendojevan vuozi
avavui
hengellizesti da
kodikkahasti. Suuret
passibot
kaikile
ozanottajile
da
abuniekoile
! Hyviä
jatkuo
!