Texts
Return to list | edit | delete | Create a new | Statistics | ? Help
Bronzova Aleksandra . Hänen pitäy jättyä pereh, jotta alottua uuši
Bronzova Aleksandra
Hänen pitäy jättyä pereh, jotta alottua uuši
Karelian Proper
New written karelian
Tuiskukuun puolivälissä Koštamukšen Sredaelokuvateatterissa vietettih
epätavallini enšiilta .Šuurella valkokankahalla kaččojat nähtih lyhyt Antilašharraštajavideotyö .
Filmi kerto , mitein perintehien mukah neičyttä valmissettih häih Vienan Karjalašša .
– Miušta še on tärkie šivu meijän kaupunkin kulttuurin istorijašša . Nyt kačon uškomattoman lukusih kaččojih täššä šalissa , ta še on tosi hauškua ta ihanua .Uškokkua miula : ei jokahini hiittifilmi keryä niin äijän ihmisie , korošti Sredakulttuurikehityškeškukšen johtaja Jelena Hmelevskaja ennein kaččeluo .
Elokuvaprojektin ohjuaja Julija Filippova kiitti kaččojie huomijošta filmih ta kerto , mitein šitä luajittih .Filmi on luajittu omin voimin .Ohjuajana on koštamukšelaini F’odor Varlamov .
– Kinošša esiinnytäh miun perehen jäšenet , meijän yštävät ta tuttavat , kumpaset kannatettih idejua . On iloista nähä monie heistä šalissa .Meilä šemmosen elokuvan luatimini oli šuurena ruatona , lisäsi Julija .– Filmi keštäy kymmenen minuuttie ta šen tarkotuš on kertuo kulttuurista šelvällä kielellä , jotta eri-ikäset ihmiset ymmärrettäis šitä .
Mistä on elokuva ?Še näyttäy nuoren tytön šiirtuo omašta pereheštä miehen pereheh .
– Niinä aikoina antilaš mäni pereheštä toiseh taloh , tulijan miehen luokše . Toičči mieš oli kotosin toisešta kyläštä .Mitein miehen omahiset otetah neičyt vaštah ?Konša hiän uuvveštah näköy omahisieh ?Täššä on filmin piädrama , kerto F’odor Varlamov näytön jälkeh .– Šamoin valottima erähie yksityiskohtie , kumpaset oli istorijallisešti tovissettu asiepaperiloilla . Valmistautuma kirjojen mukah , jotta totehisešti näyttyä kaikki yksityiskohat .Šamoin meitä neuvo karjalaisen kulttuurin Viena-šeuran jäšenet .
Kinošša näytetäh antilahan valmissušvaiheita ennein häitä : kaššan riiččimistä , piänpanuo , antilahankylyö , itkuviršijä .Šiitä kuvah ilmeštyy pat’vaška – karjalaisien häijen piähenkilö , kumpani viettäy nuorilla perinhetellisie taikaritualija , jotta pariskuntua ei šilmättäis ta jotta šuojella šitä pahoista halteista .
Elokuva näyttäy , jotta elämä on kierto .Lopušša piähenkilö palmikoiččou oman tyttären tukkua .
– Filmi muissutteli miula ämmöštä , kumpani oli kotosin Koštamukšen kyläštä . Hänet annettih miehellä 16-vuotisena .Ennein šulhani kävi kos’s’omah hänen vanhempua čikkuo .Šulhani miellytti miun ämmön muamuo ta hänellä himotti heimoštuo hänen kera – šulhasen pereh oli ruataja , hyö oltih laukunkantajina .Priha oli hyväččäini , tummatukkani ta muštašilmäni – karjalaiset ei ainuoštah oltu valkie - ta ruškietukkasie .Ämmön tuatto ei halunnun antua tytärtä miehellä niin aikaseh , ka muamo vuati tiukašti .Kaikki loppu häih , ta miehen talošša ämmö otettih vaštah hyvin , kerto kaččelun jälkeh Valentina Golubeva .
Nyt Antilaš-filmi on julkaistu VK-sosialiverkošša ta šitä voit kaččuo joka halukaš .
Hänen pitäy jättyä pereh, jotta alottua uuši
Karelian Proper
New written karelian