Texts
Return to list | edit | delete | Create a new | Statistics | ? Help
Marija Kirillova. Karjalan šungitin ominaisukšie tovissettih
Marija Kirillova
Karjalan šungitin ominaisukšie tovissettih
Karelian Proper
New written karelian
Italijalaiset
tietomiehet tutkittih Karjalan ta Kazahstanin šungittie ta luajittih piätöš , jotta Karjalan šungitti puhistau vettä paremmin .
Karjalan tietokeškukšen geologijan instituutin tietomiehet jo monta vuotta tutkitah šungittie ta šen käytön mahollisukšie .Näitä tietoja ni käytettih italijalaiset tietomiehet vertailututkimukšešša .
Tutkittavakši oli otettu Zažoginskii-šungitti ta še näytti parahie tulokšie likasien vesien puhistamisešša toksiniloista .Karjalan tietomiehet koroššetah , jotta šungitin puhissušmahollisukšie jo aktiivisešti käytetäh , ka ulkomualaiset tutkimukšet tovissetah entisie tutkimukšie ta šitä , jotta šungitti on ainutluatuni minerali .
Nykyjäh tietomiehet tutkitah šungitin tyyppijä ta šitä , mitein käyttyä jokahista niistä – kunne še paremmin kelpuau .
– Toisissa lajissa on vähemmän haitallisie ainehie ta šitä on hyvä käyttyä vejen puhistamisešša . Šemmoni on juštih Zažoginskii-šungitti .Toisissa on enemmän haitallisie ainehie , ka muita etuja – niitä pitäy käyttyä toisissa ruavoissa , esimerkiksi , kompsiittimaterialiloissa .Joka lajilla varmašti on löyvettävä šopiva käyttöala , šano geologijan instituutin johtaja Vladimir Kovalevskii .
Viime vuosina šungittie aktiivisešti käytetäh filtterien valmistamisešša .Tuotantuo ois enemmän , još tietomiehet opaššuttais puhistamah šungittie metalliloista .Juuri nyt šemmosie tutkimukšie pietähki .Esimerkiksi , Karjalan tutkijat opaššuttih puhistamah šungittie käyttyän oša-ainehie .
Šen lisäkši tutkitah ni toisie aloja šungitin käyttyö varoin – uušien materialien valmistamista , muataloušta ta tevollisutta .Šemmosie šungittivaroja , kuin Karjalašša ei ole missänä toisešša paikašša , ka šen ominaisuot on tutkittu vielä vähän .
Šungitti
Još kivet šuatettais paissa , ni šungitti višših olis kerton meilä tämmösen legendan :
"Kakši miljardie vuotta takaperin mie olin eryähän ikivanhan meren pohjamutana .Lukusat pikkaraiset bakterit pyörittih miun limašša .Lima yhä kašvo ta bakterit vain kašvettih , ta kerroš kerrokšen piällä laškeuvuttih pohjah .Vuosišuat vilahettih , miun kerrokšet lujettih ta pikkuhil’l’ua upottih muah .Äijän vettä on virtan šiitä ajašta .Tällä mualla ilmeššyttih ihmiset ta heti huomattih miun hyövylliset ominaisuot .
Miušta äijä mitä hyvyä tiijetäh ta vielä lisyä tutkitah : vet miun avulla vil’l’avie maita kehitetäh , mie kelpuan väriainehekši , tervehyttäki šuatan parentua ta i šilmän ilona voin olla .A kuin äijän veššoja miušta opittih luatimah !Kaunehista koruista kaminoih šuaten .Šanalla šanuon miun arvo tiijetäh .Äšen Karjalan brendiksi kučutah .Vet miun koti on juuri tiälä , Karjalašša ".
Karjalan šungitin ominaisukšie tovissettih
Karelian Proper
New written karelian
"