Texts
Return to list | edit | delete | Create a new | Statistics | ? Help
Olʾga Smotrova. Mikse bankas pidäy piihtet?
Olʾga Smotrova
Mikse bankas pidäy piihtet?
Livvi
New written Livvic
Ekskursien
enzimäine oza menöy bankan muzeis , sie ekskursienvedäi sanelou den’goin , bankan reformien da finansutehnolougieloin histouries , ozuttau suurii bumuaguden’goi , kudamii rahvas sanottih "Katen’kat " da "Peten’kat " – sillozien kuningahien nimilöin mugah .Muzeis suau nähtä , mittumis čiinusovis käveltih bankan ruadajat Petroskois , seinis on rikas kuvagallerei , kudamas on Petroskoin bankan tilat eri vuozinnu , ihan linnan perustamizen aijas .Tiettäväine , on ezitetty eri aijoin den’gua – raudahistu da bumuagahistu .Erähät vahnat kup’uurat ollah moizet suuret , ga kerras duumaičet : mittuine niilöih niškoi pidi olla kukkaro …
Bankas on ezitetty , kui muututtih hinnat , ezimerkikse , vuvvennu 1927 leiby maksoi 20 kopeikkua , keskipalku oli 46-56 rubl’ua , vuvvennu 1947 leiby maksoi 1,35 rubl’ua , keskipalku oli 500 rubl’ua .
On ozuttelus harvinazii ezinehii , kudamii nuoremban polven rahvas nähtäh enzikerdua .Moizii on rifmometr , sen vuoh lugiettih čisloi , sidä käytettih vuozinnu 1920-1970.Vie yhty ezinehty ei voidu arvata , mikse se pidi , kai vahnemban polven rahvasgi .Seinäs kiini ollah piihtet .Niilöin rinnal – lattiel seizojan čoman suuren seifan piäl – pieni seifu .Rahvas opittih arvata , midä niilöil piihtil ruattih , ga nikui ei voidu sanuo oigieh .Sit ekskursienvedäi sellitti : niilöil otettih bumuaguden’goi Černobil’an vuvven 1986 katastroufan jälles .Sit miärättih , ongo den’gu lijastettu radiatsiel .Radioaktiivizesti lijastettu den’gu pidi panna sih tinaseifah , sit den’gu hävitettih sih opastunnuot spetsialistat .Bankan ruadai pani merkile sen , ku Karjalas ei olluh moizii den’goi , sendäh tinas luajittu seifu jäi käyttämättäh .
Muzein pertin jälles ekskursii jatkuu bankan toizes kerrokses .Sie jo ozutetah nygyaigazii konehii , kudamien vuoh lugietah , lajitellah , tarkastetah da hävitetäh den’goi .Sanakse , Petroskois den’goi ei hävitetä , eigo luajita .Bumuaguden’goi luajitah Gosznak-laitoksis Moskovas da Permis .Sen ližäkse bankan ruadajat saneltih , kui eroittua tovelline den’gu valehden’gas da kui suuri pala kup’uuras voibi olla vajas , ku ristikanzal vois vaihtua se bankas uudeh kup’uurah .
Kävy Kanzallizen bankan ekskursieh da näet uvven plastiekkuden’gan .
Mikse bankas pidäy piihtet?
Livvi
New written Livvic