Texts
Return to list | edit | delete | Create a new | Statistics | ? Help
Nadežda Vasiljeva. Kalevala keräsi folklorin yštävie
Nadežda Vasiljeva
Kalevala keräsi folklorin yštävie
Karelian Proper
New written karelian
Perintehellisešti Kalevalan
päivyä leviešti juhlitah Kalevalan kanšallisešša piirissä , missä oli kerätty runoja , kumpasista runoelma šynty .Täkši pruasniekakši kalevalalaiset valmistauvutah etukäteh .Juhla ei rajouvu yhteh päiväh , ka keštäy koko kuukauven .Še yhistäy tilaisukšie ta tapahtumie Runonlaulajien mosaiikkih .
Piirin kirjaštoissa pietäh "Kalevalan " painokšien näyttelyjä .Kirjaštojen fondiloissa on melko äijän eri vuosina ta eri paikoissa julkaistuja kappalehie .Pitäy šanuo , jotta joka kerta tämmöset näyttelyt šynnytetäh šuurta kiinnoššušta aikuhisien ta lapšien kešen .
Tänä vuotena Kalevalan , Kuušiniemen , Kepan pos’olkojen šekä Jyškyjärven kylän lapšet šuurella kiinnoššukšella matkuššettih "Kalevalan " šivuja myöten , tutuššuttih eeppisen runoelman šankariloih ta kuot’eltih esiintyö Väinämöini-tietäjän , Ilmarini-šepän , Aino-kaunottaren tai Louhi-noita-akan rooliloissa .Starinamaiseh tietokilpailuh ošallistumini pakotti koululaisie ottua kirjat käsih ta uuvveštah lukie šen runoja .
Kalevalatalo-etnokulttuurikeškuš kučču yläluokkalaisie runomatkah , missä oli kertomukšie , kilpailuja ta arvautukšie .Tilaisuošša lapšet šuatih tietyä kotišeutututkijalta Viktorija Tihonovalta äijän uušie istorijallisie faktoja "Kalevalan " šyntymiseštä šekä kuunneltih runonlaulajien Maura Hotejevan , Jelena Pirhosen , Marija Remšun ta Tatjana Perttusen iänijä nauhotukšissa .
Paikalliset urheilijat vietettih Kalevalan päivänä šuurie kyykkä-kilpailuja .Pelikentällä vaštautu viisi joukkuo , kumpasien kešen oli nuorieki peluajie – Enšimmäisien liikkehen ošallistujie .Tämä peli oli heilä kolmantena kilpailuna .Joka turnaukšeh ošallistumini antau nuorilla peluajilla uušie pelitaitoja .Šen lisäkši hyö šuahah kokemušta kokenuilta peluajilta , kumpasilla on mitä opaštua , kertuo ta näyttyä .28.tuiskukuuta parahakši tuli Kičut-joukko , kumpaseh kuulutah Konstantin Kostevič , Nikolai Lesonen , Aleksandr Samsonov ta Konstantin Šalminen .
Kalevala-runoelmalla omissetut tilaisuot täh ei loputtu .Niitä ruvetah viettämäh vielä monta kertua ta niih keräytyy vielä enämmän karjalaisen folklorin yštävie , tietäjie ta harraštajie .
Kalevala keräsi folklorin yštävie
Karelian Proper
New written karelian