Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Aleksandra Lesonen. Terveh, Vuokkiniemi
Aleksandra Lesonen
Terveh, Vuokkiniemi
Karelian Proper
New written karelian
Terveh
, Vuokkiniemi -audiokävely avuau turistiloilla vanhua karjalaista runokylyä vuottamattomalta puolelta .Luatijat vakuutetah , jotta šiinä ekskursijon kuuntelijilla esitetäh kylän eläjien muisselmie ta yksityiskohtie , kumpaset ei jätetä ketänä kylmäverisekši .Arhiivamaterialit , eläjien omat istorijat , vanhat runot ta karjalaiset starinat eläyvytäh kuulokkehissa kuin iänet männeisyöštä ta nykyajašta .Järještäjien mukah šemmoni audiokävely auttau kylän vierahie šyvemmin čukeltuo pohjosen luontoh , hil’l’aisuoh ta paikan eläväh istorijah .
Ekskursijon esittelyššä luatijat kerrottih , mitein hyö kerättih ainehistuo ta tavattih kylän eläjie šekä myönnettih diplomija niillä , ket autettih luatie projektie .Šamoin keräytynyöt kuunneltih ainutluatusie katkelmie kotišeutututkijien ta paikallisien eläjien kertomukšista , kumpasie ei liitetty loppuversijoh .Audioekskursijolla on oma tuotehmerkki .Projektin merkkityyli pohjautuu Karjalan luonnon ta perintehellisen pohjosen kylän kuvih : puutalo simvolisoiččou Vuokkiniemen kulttuuriperintyö , lainehet – järvie ta matkua , päiväni – lämpyö ta vierahanvaraisutta , a havumeččä – Karjalan luonnon ympäristyö .
– Audioekskursijošša tutuštuma paikallisien eläjien muisselmih , arhiivatietoloih , henkilökohtasih istorijoih , vanhoin runoloih ta karjalaisih starinoih . Kuuntelima šitä kaikkie erikoisien laittehien kautti .Kuulokkehissa šynty istorija , a esinehet piätäkauten valmissetuista reppuloista herätettih meijän tuntehie .Še on meijän kulttuurin šäilyttämisen erikoini ratkaisu .Himottau rikenempäh ošallistuo šemmosih mielenkiintosih tapahtumih !Passipo Sreda-kulttuurikehityškeškukšella aunutluatusešta mahollisuošta !Šaima nähä omie kotipaikkoja ta tuntie niitä , kerto omista vaikutelmista ekskursijon kuuntelija L’udmila Firsova .
Terveh , Vuokkiniemi -projektie toteutetah Dobrota Severa -hyvänluajintašiätijön Tvorčestvo regionov -granttikilpailun rajoissa yhteistyöššä Sosialitietotoimiston kera Severstal’-yhtijön kannatukšella .
Terveh, Vuokkiniemi
Karelian Proper
New written karelian