Texts
Return to list | edit | delete | Create a new | Statistics | ? Help
Alina Gapejeva. Pitkät igälangu da ruadotaival
Alina Gapejeva
Pitkät igälangu da ruadotaival
Livvi
New written Livvic
Kevätkuun
2. päivänny Nuožarven kylän eläi Marija Kononovna Voronova täytti sada vuottu .Igih huolimata hänen silmis endizelleh nägyy lämmiä da hyvytty , niilöis kuvastuu naizen pitky da kirjavu elaigu , konzu kaikkie tuli tirpua da äijän ruadua .
Lähes 70 vuottu tagaperin , konzu Maša oli nuorikkaine feršali , häi enzimästy kerdua polgi Nuožarven ambulatourien kynnykses piäliči .Hänen olgupiälöil oldih kai kyläläzien tervehytty koskijua huolet : häi luadi pistoksii da privivkoi , pidi silmäl kohtuzien naizien tervehytty .Toiči naizel pidi ruadua sidägi , mih ei opastettu – sanommo , nyhtie hambahii .Sidä ruadajes pidi rohkevuttu da neruo .
Marija Kononovna hyväl mielel mustelou omassah ruaduo .Semmite moizii tapahtumii , konzu piästi ristittyzii hengih .Erähiči uuttu vuottu vaste hänel pidi buabita lastu omas kois , pienes pertizes .Silloi kohtuzii ei vältämättäh työtty bol’niččoih lastu suamah da puaksumbah meedikkuabuu tarittih paikan piäl .
– Praktiekal tuli ozuttua feršali-akušeroin školas suaduloi tiedoloi da rodivui hyväččäine lapsukkaine , mustelou Marija Kononovna .
Naizen elaigu ozuttau oigiedu da hyviä ruadotaivaldu .Tänäpäi äijät nuožarveläzet kiittäjen mustellah Marija Voronovua da toivotetah hänele lujua tervehytty .
Pitkät igälangu da ruadotaival
Livvi
New written Livvic