Texts
Return to list | edit | delete | Create a new | Statistics | ? Help
Irina Zaitseva. Kiži-musejo kuččuu tutkimah leivän taipalen vaiheita
Irina Zaitseva
Kiži-musejo kuččuu tutkimah leivän taipalen vaiheita
Karelian Proper
New written karelian
Leipä
simvolisoiččou hyvinpärjyämistä ta rauhallista elämyä .Šen taival on pitkä ta monimutkani .
Leipä on meijän muan kulttuuriperintehien pohja .Šiitä kerrotah šananlašut , laulut , starinat ta muut tevokšet .Esimerkiksi , Kolobok-starinašša on kuvattu leivän valmistamisen monet vaihiet .Nyt tultuo kauppah myö višših emmä smieti šiitä .Ka on ihmisie , ket šäilytetäh istorijallista muistuo ta autetah herättyä šitä meissäki .Venäjän etnografisen musejon ta Kiži-musejon Leivän taival : venäläisen kylän leipäperintehet-näyttely on omissettu juuri šillä .
– Ideja tuuvva Venäjän etnografisen musejon näyttelyn Petroskoih šynty Jelena Bogdanovalla . Vuotena 2023 näyttely avautu Venäjän etnografisešša musejošša , a vuotena 2024 Jelena Viktorovna näki šen ta šano , jotta tarvičemma šemmoista näyttelyö .Vet meilä vil’l’ankorjuu , kylvö ta puinta ollah elämän oša .Kešällä Kižin pelloilla voipi nähä meijän johtajua , spesialistija , tietoruatajie , piäšäilyttäjyä .Meilä on tärkie šäilyttyä perintehie , korošti Kiži-musejon varajohtaja Margarita Kisternaja .
Kiži-musejošša esillä on 117 näyttelyesinehtä Venäjän etnografisešta musejošta .Niijen luvušša on työvälinehie , stola -, kiukua - ta keitinpirtinvehkehie , huonehkaluja , interjerin korissukšie , kulttiesinehie ta istorijallisie valokuvie 1800–1900-luvulta .Näyttely on juattu kuuteh ošaštoh , kumpaset kerrotah leivän taipalen eri vaiheista .Šamoin esillä on katkelmie etnografin ta kirjailijan Sergei Maksimovin Kul’ hleba i jego pohoždenija (Leipäkul’a ta šen vajellukšet ) -kirjašta .Kirja kertou , mitein leipä vaikutti venäläisen muanrautajan elämäh .Painoš tuli näyttelyn pohjakši .
Näyttelyn kurattoriloina Venäjän etnografisen musejon puolelta ollah Ol’ga Baranova ta Ol’ga Glazkova , a Kiži-musejon puolelta – Oleg Skobelev .
– Yllytän kävijie kiinittämäh huomijuo ainutluatusih kipsikopijoih , kumpaset etuššetah eri sriäpnöjä . Niitä eri aikoina luajittih musejon ruatajat .1800-luvun alušta meijän työpajoissa valmissettih kipsikopijoja .Työ niättä melkein alkuperäsie luajokšie : hiäpiiraita , Arhankelin alovehen kozuli-priänikköjä , jokapäiväsie sriäpnöjä , kerto Ol’ga Baranova .
Näyttelyn avajaisissa esiinnyttih Kiži-musejon etnografini folkloriyhtyveh ta Oleg Skobelev .
Leivän taival : venäläisen kylän leipäperintehet -näyttely toimiu oraškuun loppuh šuaten .
Kiži-musejo kuččuu tutkimah leivän taipalen vaiheita
Karelian Proper
New written karelian