Texts
Return to list | edit | delete | Create a new | Statistics | ? Help
Konkurs: Karjalas ectas päruno
Konkurs: Karjalas ectas päruno
Veps
New written Veps
Karjalan
eläjid kuctas ühtnemaha "Ectes pärunod " -sädandkonkursaha , mitte om omištadud Karjalan runon päiväle (10. kezakud ).Konkursan tegeba Karjalan Rahvahiden sebruden kodi da "Periodika "-painišt Karjalan rahvahaližen da regionaližen politikan ministerstvan tugel .
Ühtneda "Ectes pärunod " -sädandkonkursaha voiba Karjalan eläjad : lapsed , nored da aigvoččed , a mugažo kogonaižed perehed .Sädandradod ottas sulakun 26. päivähasai .Radoiden temad oma erazvuiččed (sugupol’viden sido , mehen südäinmir , kožmuz londusenke i m . e .), no nene kaik om sidotud runoiden tradicijaha .
– Om ani tärged muštta , miše ičeze rados tariž kävutada vaiše karjalan runoid i ei sa kävutada "Kalevala "-eposan runoid . Kaik radod pidab tehta ičenaižesti , päpakičusen om radon unikaližuz’ , – tedotadas Karjalan Rahvahiden sebruden kodin VKontakte-lehtpolel .
Kaiken om koume nominacijad : "Karjalan runoiden kojaduz ", "Pärunon avadim " da "Aigan sol’m ".Ühtnikad voiba tehta pirdatusid , fotokuvid , videorolikoid , tehmusid , prezentacijoid , kanzprojektoid , a mugažo kirjutada muzikad vai kirjutesid .
Miše ühtneda konkursaha , tariž ezmäi täutta küzundleht Yandex-formiš .Vaumhed radod pidab oigeta electronižele počtale domdruzhbynarodovr@yandex .ru , kirjeižen temaks kirjutada "Ectes pärunod " -konkurs ".
Sädandkonkursan ühthevedod tehtas kezakun 11. päivähasai .Vägestajad saba diplomad da muštlahjad , a toižile ühtnikoile anttas sertifikatad .
Tärktembad tedod "Ectes pärunod " -sädandkonkursas voib lugeda sen oficialižes azjbumagas azjtegon VKontakte-lehtpolel .Konkurs mülüb Venäman rahvahiden ühtmuden voden azjtegoiden serijaha .
Konkurs: Karjalas ectas päruno
Veps
New written Veps