Texts

Galina Baburova. “Periodika” ozuti männuden voden kirjsatusen

corpus: Journalistic texts

Source:

Kodima. № 3, 2026, p. 3

Galina Baburova

“Periodika” ozuti männuden voden kirjsatusen

Veps
New written Veps

Uhokun
jäl’gmäižel
nedalil
Petroskoiš
mäni
"Kirjmel’nic", miččel
tradicijan
mödhe
"Periodika"-painišt ozuti
männudel
vodel
pästtud
eloho
painusid
. Vodel
2025 ned
oli
kahesa
. No
, kut
sanui
Karjalan
rahvahaližen
da
regionaližen politikan radnik
Jelena Migunova, ei
ole
tärged
kirjoiden
lugu
, om
tärged
niiden
ladu, a
"Periodikal" se
kaiken
om
korktudel
. Painusiden
keskes
oma
čomaliteratur
, openduzkirjad
, lapsiden
literatur
da
eskai
stolvändod
.
"Kirjmel’nical" painusiden
avtorad
, tegijad
, keradajad
i
kändajad
starinoičiba
ičeze
tehtud
rados
. Sikš
ku
2025. voden
kirjoiden
keskes
oli
kirj
vepsänki kelel
–"Minun
vepsläine
oza
" – azjtegol anttihe
sana
sen
avtorale
Nina
Zaicevale.
– Ičein
kirjan
omištin
vepsän
rahvahale
, küläle
. Minä
muštan
, konz
küläd
oliba
täuded
eläjil
, konz
rahvaz
eli
kožmuses
londusenke
. Minai
oli
taht
ozutada
külän
elod
Veraine-neičukaižen elo-ozan
kal’t
. No
kirjan
pähengen om
mugažo
vepsän
kel’
. Olen
ülev
, miše
voin
pagišta
da
kirjutada
ičein
kodikelel
! Minun
oza
om-ki vepsän
kel’
, miččenke
lujas
kinktas
om
sidotud
minun
elo
, – starinoiči
Nina
Zaiceva.
Kirjoiden
prezentacijan aigan
erazvuiččed
sädaikollektivad ihastoitiba
adivoid
pajo
-, karg
- da
muziknomeroil, mugažo
ristitud
voiba
ühtneda
arbaha
da
sada
lahjaks
ühten
ezitadud
kirjoišpäi
.
Pidab
sanuda
, miše
"Periodika" ühtneb
jogavoččehe
"Karjalan
Voden
kirj
" -konkursaha
, miččen
ühthevedod
tehtas
sulakus
. Kuz’
vot
"Periodika" oli
necen
konkursan
vägestajiden
keskes
. Täl-ki vodel
painišt jo
oigenzi
pakičusid
konkursan
erasile
nominacijoile
. Paiči
vägestust
nominacijoiš
konkursan
ühtnikad
voiba
sada
"Lugijan
mel’düz’
" -paukad
. Kaikutte
tahtnik
voib
antta
ičeze
änen
. Sen
täht
pidab
"kävuda
" kirjoiden
virtualižele ozutelusele
, mitte
sijadase Karjalan
Rahvahaližen
kirjišton
oficialižel
internet-lehtpolel.