Texts
Return to list | edit | delete | Create a new | Statistics | ? Help
Jevgenija Kokorina. Kaičem nimen südäimes
Jevgenija Kokorina
Kaičem nimen südäimes
Veps
New written Veps
Vasilii Ivanovič sündui
12. vilukud 1905. vodel Toižeg-küläs .Pidab-ik sanuda , mise hän oli vepsläine ?Hän oli vanhemb laps’ kanzas .Vodel 1921 hän lopi Kalagen školan i läks’ radmaha Süvärile .Vasilii oli matrosan abunikan .Tal’vel , konz d’ogi oli däs , hän pördihe kodiröunale , radii mecas .Möhemba läks’ Kondopogan agd’aha sauvomaha vezikanalad .Konz lopihe den’gad i radnikiile ii makstud enamba rados , Vasilii Ivanovič tuli tagaze kodiküläha i läks’ radmaha Ordha (radii kal’l’ol , sai kived ).Sil aigal hän tahtii tehda ičeze i toižiden radnikiide elod veslembaks .Hö pajatihe , kargaitihe da pagištihe iloks .Ordan komitet nägišt’ , mise prihal om talant , i oigenz’ händast 1929. vodel Moskvaha opendamhas "režiss’oraks ".D’o opendusen aigal Vasilii Ivanovič radii Smolenskan da Rževan agd’as .Kus hän radii , sigä zavodihe rata hor - da karggruppad .Opendusen däl’ges 1933. vodel Kononovad oigetihe Šala-küläha .Aig oli düged , i rata sigä ii olnu kebn .Vasilii Ivanovič sirdihe Pudož-lidnha .No i sigä rad ii olnu hät’k .D’o 1935. vodel Kononov möst tuli kodimale , Kalagehe .No nüguni hän oli "Rusttan čogan " pämez’ .Hän lugi rahvahale gazetiid , openzi lugemaha i kirjutamha , stariniiči ristitiile , miččed radod partii i valdmehišt teht’he .A voden lopus tuli Šoutarvehe , tegihe kul’turpertin pämeheks .Hän eli Mel’kinan pertiš .Zavodi kerata vepsläižid akiid pajatamha ehtoidme , konz kodiradod om d’o tehtud .Muga vodel 1936 sündui Vepsän rahvahan hor .Pajidike rindal sündui karg .A 1937. vodel Vepsän hor d’o pajati da kargaiži Leningradas .Kost’umad teht’he rätsinaspei .A scenal pajiden aigan kezertihe , kudotihe , poimdihe .Vasilii Ivanovič ozut’ ičeze armhan kul’turan kargus .I necišpäi kazvoi sur’ i tutab Vepsän rahvahan hor , kudambad d’o 90 vott tetaze Venämal i toižiš maiš .Necil-žo vodel Vasilii Ivanovičad kuctihe radmaha Petroskoihe "Kantele "-ansambl’aha .Siloi niken ii tenu , mise Vasilii Ivanovič raddab ansabl’as 28 vott i hänen nimi kaiken om sidotud "Kantelehe ".Nece sur’ rad ii otnu Vasilii Ivanovičal armastust Vepsän horha .1970.-voziden lopus , 1980.-voziden augotišes hän tuleskeli Šoutarvehe abutamha L’udmila L’vovna Melentjevale . Hö ühtes ectihe vepsläižid pajoid da teht’he koncertoiden programmoid .Nece ühthine rad eläb tähäsai .
12. uhokud "Kaičem nimen südäimes " -vastusen avaiži "Pajoän’ lähtob garmonijaha "-ozuteluz , mitte starinoiči Vepsän horan istorijan i sen pajanikoide polhe . A sen däl’ges ristitud kuctihe Vepsän horan ozutelusele .Hor eziti "bes’odan ", miččen tegi Vasilii Ivanovič ."Bes’odan ", miččen aigan pajatadihe , kezertihe , kudotihe , kargaitihe ... kut i ende . Kuti ii olnu nened 90 vott ...
Kaičem nimen südäimes
Veps
New written Veps