Texts
Return to list | edit | delete | Create a new | Statistics | ? Help
Nadežda Mičurova. Svuad’bufestivuali keräi molodoloi Ven’alpäi
Nadežda Mičurova
Svuad’bufestivuali keräi molodoloi Ven’alpäi
Livvi
New written Livvic
Rahvahanvälizen Ven’a-ozuttelun hantuzis
enzimästy kerdua VDNH-ozuttelukeskukses piettih kogo Ven’an svuad’bufestivuali .Puarat Ven’an muan eri kolkispäi tuldih Moskovah yhtymäh kirjoihmenemizen pruazniekkupidoh .–Ven’a-ozuttelu rodih Moskovan da Ven’an piälimäzii perehpaikkoi . Juuri sit kohtas Ven’an prezidentu Vladimir Putin avai Perehen vuvven , sanoi Rossija-ozuttelun johtajan sijahine Anastasija Zv’agina .Festivuali meni kogo nedälin , 12.–19. oraskuudu .Nedälin aigua se yhtisti enämbän sadua viittykymmendy puarua .Molodoloi pandih kirjoih Moskovan zagsan ruadajat .Svuad’bufestivualin pidämizen aigua oli tozi pruazniekkutundo , kuigi ainos , konzu pietäh svuad’boi .Tervehtimäh da kannattamah sulhazii da andilahii tuldih pajo - da tansijoukot Ven’an eri alovehilpäi .Hyö čomis ruutis vuorokkai ezityttih puaroin ies veseldyttäjen pruazniekkurahvastu omal bohatal pajo - da tansikul’tuural .A sit kaikin yhtes lähtiettih pruazniekkukulguh svuad’bufestivualin piälavassah , kus piettih yhtehmenendytseremounii da suuri konsertu .
Svuad’bu karjalazeh tabah
Oraskuun 18. päivänny Luodehozan federuallizen okrugan päivänny yhteh mendih molodoit Karjalaspäigi , sulhaine Roman Ra’btsov da andilas Al’ona Rozenstand .Heidy kannattamas da avvuttamas oli Oma Pajo -rahvahan hora Petroskoispäi , kudai pajatti kolme svuad’bupajuo da yhtes molodoloinke ozutti palazen karjalazes svud’bumenospäi : kasan riičindän , sen sijah kahten palmikoičendan , tukkien peitändän sorokan uale , sego vahnembien blahosloven’n’an yhteh menemizeh .Oman svuad’ban Roman da Al’ona piettih karjalazien perindöllizis pruazniekkuruutis .
– Myö tuttavuimmo nelli vuottu tagaperin . Ruavon puoles minä rubein Al’onan hengenvardoiččijakse .Minä miellyin Al’onah da ellendin , gu tahton joga päiviä vardoija händy da puolistua kaikes pahas .Nämmä svuad’bufestivualin päivät oldih parahat meijän elaijas .Myö Al’onanke jo ammui tahtoimmo mennä yhteh vaigu hätken duumaičimmo , kui se olis luadie eri tabah , ei tavallizeh .Meijän svuad’bu pidänys ollah 25. oraskuudu , ga konzu meile soitettih zagsaspäi da ehoitettih yhtymäh moizeh svuad’bufestivualih , myö kerras mielihyväl suostuimmo .Olemmo ylen ozakkahat , gu meil puutui pidiä svud’bu VDNH-ozuttelukeskukses da viegi kodvazekse čukelduakseh vahnah aigah , tiijustua äijän uuttu karjalazis , heijän kul’tuuras , vahnois svuad’butavois da viegi ičel olla sen kul’tuuran ozannu .Passibo suuri kaikile festivualin varustajile , gu muga hyvin järjestettih sen .
Suuret passibot ZAGS :an ruadajile da Karjalan halličukselegi , tiettäväine , Oma Pajo -horan pajattajile , gu kannatettih meidy täl merkittäväl päiväl , sanou sulhaine Roman R’abtsov .Oniegurannikon piirin ZAGS :an ruadai Jekaterina Faizullina hyvitteli molodoloi da andoi heile den’gusertifikuatan kahtehsadah tuhandeh rubl’ah .Tämän sertifikuatan avul hyö voijah matkustua Ven’an muan loittombazihgi kohtih .
– Myö suvaičemmo matkustua kui mašinal mugai samol’outal . Olimmo jo Abhazies , kävyimmö Sočih , ajelimmo Krimah mennyt vuon .Tänävuon tahtozimmo kävvä Altaile libo kaččuo Vladivostokkua .Nygöi terväh meil rodieu loma , toinah kävymmögi , sanou andilas Al’ona Rozenstand .
Svuad’bale Krasnaja gorka -päivänny Ven’an kalenduarih oraskuun 12. päivy on merkitty Krasnaja gorka-nimel .Se on muinasslaavilazien pruazniekku , konzu rahvas ylitettih kevätpäiväzen da muanväin Jarila-valehjumalua da rakkahuon jumalatardu Ladua .Perindön mugah sinny piän nuorižo kerävyi pihale bes’odoimah , tansimah da kižuamah .Äijät piettih svuad’boi .Uskottih , ku täl päiväl yhtehmennyöt puarat ei erota igänäh
Svuad’bufestivuali keräi molodoloi Ven’alpäi
Livvi
New written Livvic