Texts
Return to list | edit | delete | Create a new | Statistics | ? Help
Mehed L’udmila . Mie kiitän opaštajie
Mehed L’udmila
Mie kiitän opaštajie
Karelian Proper
New written karelian
Lämpimäšti muistelen
omie opaštajie ta meijän šopusua luokkua .Meijän enšimmäisenä opaštajana oli Anastasija Ivanovna Samsonova .Hänen muhahuš , ammattilaisuš ta yštävällisyš autettih meitä ymmärtyä alkeiskoulun ohjelmua .Šyvällä kunnivolla muissamma enšimmäisen opaštajan oppituntija ta kunnivoitamma hänen muistuo .Šiitä šiirtymä yläluokkih , a meijän opaštajat ta juohattajat tuaš ahkerašti staraitih , jotta tulisima älykkähiksi ta kehittyisimä kaikin puolin .
Kojinhoijon opputuntiloissa omie tietoja meilä välitti Lilija Ivanovna Nikandrova .
Hiän opašti tyttöjä tikuttamah kaunehie ta tarvittavie esinehie , ompelomah , keittämäh ta paistamah makeita ruokie .Oppituntiloissa keittimä ta heti maistelima .Ne tiijot kelvattih meilä elämäššä .Šamoin Lilija Ivanovna opašti meitä piiruštamah .
Vuotena 2025 Lilija Ivanovna täytti 90 vuotta .Hiän on elämäntahtoni ihmini ta optimisti .
Lilija Nikandrovalla on hyvä ta huolekaš pereh .Ämmö rakkahuolla ottau vaštah omie punukkoja ta pravopunukkoja .
Naini entiselläh harraštau lukomista – lukou lehistyö ta kirjallisutta karjalan ta šuomen kielellä .Kešällä hiän aina ruatau omalla pihapellolla .Hänen kaunehešša tarhašša on kukkie , kašviksie , marjoja , omenie .
Miun opaštaja on mainijo pakinakaveri , hiän tietäy kaikki uutiset .Naini on Čalnalaini elämäntahtoni ihmini -klubin aktiivini ošallistuja .Hiän taitau jutella , muissella hyvie ta huvittavie tapahukšie ta ilahuttua .
Lilija Ivanovna on hyvä ta taitaja emäntä .Hiän mielelläh kostittau vierahie hajukkahalla čäijyllä , kotivaren’n’alla ta makeilla karamelliloilla .Huolekaš naini aina auttau toisie vaikiešša tilantehešša .
On aina hauška tulla kostih hänen luokše ta čukeltuo hyvih lapšien muisselmih .
Kaikki opaštajat kehitettih meissä hyvyttä , huolellisutta ta työhaluo .Meijän luokka jiäy tosi šopusakši .Še on meijän opaštajien anšijo .Šyvä kumarruš ta kiitoš heijän rehelliseštä ruavošta !
Mie kiitän opaštajie
Karelian Proper
New written karelian