Texts
Return to list | edit | delete | Create a new | Statistics | ? Help
Nadežda Vasiljeva. Čuutojen pelto Uhtuon kaunottarilla
Nadežda Vasiljeva
Čuutojen pelto Uhtuon kaunottarilla
Karelian Proper
New written karelian
Tänä
vuotena kilpailu oli omissettu eeppisen Kalevala-runoelman naishenkilöillä .Uhtuon kaunottaren arvonimeštä kilpaili yhekšän ošallistujua – nuorta ta rohkieta neičyttä erikoisine kalevalalaisine luontoloineh .
– Joka vuosi myö staraičemma lisätä kilpailuh mitänih uutta , monipuolistua aiheita ta yllyttyä mahollisimman ušeita koululaisie ošallistumah . Tällä kertua kilpailu mäni tunnetun Čuutojen pelto -pelin muuvvošša , kerrottih toimenpivon järještäjät .
Peli alko tuttavuošta – joka tyttö esitteli nimikortin ta kerto omašta pereheštä , opaššukšešta , yštävistä ta harraššukšista .Erähät tytöt paistih ičeštä karjalan kielellä , mi anto kilpailulla erikoista kanšallista koloriittie .
I vot Kalevalan čuutojen pellolla tuli kolme enšimmäistä kaunotarta .Heijän piti vaššatta eri kyšymykših .Ošallistujien ta kaččojien mieleštä ne oltih vaikiet .Ei jokahini voinun heti muistua , kuin kučutah vejen , järvien ta merien haltijatarta , kumpani taitau johtua tuulta , myrškyjä ta ualtoja ta on "Kalevalan " henkilön , Ahto-merihaltien ainut tytär .A mitein muistua ta nimittyä vähän tunnettuo Mielikkie , mečän emäntyä , Tapion naista ta meččäaittojen avuamien šäilyttäjyä ?Ka vähitellen neiččyöt avattih čuutojen pellon kallehie ikkunoja , muissettih runoelman henkilöjä ta eissyttih kohti pelin loppuo .
Kilpailun kierrokšien välillä näyttämöllä esiinnyttih koulun artistat – kantelisti Polina Ozolina šoitti karjalaisie šävelie ta pojat karjalaisissa paijoissa esitettih lauluja muamonkielellä .
Kilpailun ošallistujilla kaikki oli kuin tunnetušša TV-pelissä : palkinto - ta tyhjinjiäjä-sektorit , käynnin šiirtymini ta palkinto kolmešta peräkkäh arvatušta kirjaimešta .Tytöt kilpailtih arvonimeštä tosi ahkerašti .
Kolmen kierrokšen tulokšien mukah Uhtuon kaunotar -kilpailun voittajakši tuli Irina Bel’ajeva .Voittaja ta toiset ošallistujat šuatih erikoispalkintoja ta diplomija .
Kilpailun lopušša ošallistujat koroššettih , jotta še avasi heilä karjalaisen istorijan , kotimuan perintehien ta kulttuurin uušie šivuja šekä anto šyyn lukie Kalevala-runoelman vielä kerran .
Čuutojen pelto Uhtuon kaunottarilla
Karelian Proper
New written karelian