Texts
Return to list | edit | delete | Create a new | Statistics | ? Help
Nina Zaiceva. Vezi-ilod
Nina Zaiceva
Vezi-ilod
Veps
New written Veps
Päiväižen
sil'mäine
noustatab äkkid ,
Linduižil - veslad
i komedad äned !
Londuz-ki kidastab lapsile :
- Väkat ,
Järvele jokskat ,
ved' päiv om jo amu !
Kerdale ottud
i očkad i lastad ,
Ujudes - sobad
i puhutud sijad ...
Lämähä vedehe
pigemba kastum ,
Ezmäižed vändod
jo zavottud mijal !
Jätoižim ujum
i mačuhu vändam ,
Päiväižen sädegid
otam mö külläks .
Vessel' om , iloho
kaikid meid kändab ,
Hüppida kel'tüd ei
alhaks i ül'häks .
Päilongi unohtui ,
ehtkoi jo irdal ,
Vaceine buraidab :
tahtoižin söda !
Ehtkoižen zor'aine
pimedust pirdab ..
Homnine päiv
enamb ilod voib toda !
Vezi-ilod
Veps
New written Veps
-