Texts
Return to list
| edit | delete | Create a new
| Statistics
| ? Help
Nina Zaiceva.
Mecurokad
genre: Lyric work
Source:
Izo Lizoi. Petroskoi: Periodika, 2005, p. 22-23
Nina Zaiceva
Mecurokad
Veps
New written Veps
Keza om mecas,
Veslad kaik oma,
Kebnemb om ecta
Sömäd i jomad.
***
Kondi-mam käskeb:
- Muražmät rindal,
Algat sid' koskkoi,
Otkat-vei pindal.
***
Händikaz lapsid
Opendab tarkas:
- Olgat tö kaksin,
Kundelkat argas.
***
Reboihut händal
Lapsid öl katab,
Kaičeb vändoid,
Ilo om kacta!
***
Mustsil'mäine orav -
Holekaz mamoi:
- Meil likundad - sorvad,
Sömäd mö samei!
***
Kidoid mecharag
Kaikile laskeb:
- Ei tule vargaz,
Ei kulu askei!
***
- Herkhil kaik olgat,
Vihanik rindal,
Hilläšti polggat,
Kundelkat mindai!
***
Haragan sanoid
Tulleihut kandab...
Penil-ki ani
Püštti korv pandud.