Texts
Return to list | edit | delete | Create a new | Statistics | ? Help
Ol'ga Jurjevna Žukova . Kuspäi neglikoil oma neglad?
Ol'ga Jurjevna Žukova
Kuspäi neglikoil oma neglad?
Veps
New written Veps
Konz-se
amu neglikoil ei olend negloid selʼgäs .Hö kaik ištuiba kodiš-uruiš i harvoin lähtliba mecha .Neglikod lujas varaižiba , miše heid söba lihansöjad mecživatad .
No üksʼ neglik ei tahtoind varaita .Hänele tuli pähä mända vanhan hübjannoks i küzuda hänel nevondad .No vanh melev hübj eli edahan , i lähtta hänennoks oli ani varu da opak .
Necil neglikol oli terav melʼ da tarkuzʼ .Hän oti hämähoukun verkoižen nitid da tartuti pedajan neglaha .Sidʼ kerazi äi mugomid negloid i ombli niid ičeze selʼgha .
Toižel päiväl neglik töndui matkaha .Ei ehtind hän lähtta edahaks , kut vastsihe reboinke .Nälʼghine živat tahtoi söda necen magukahan lihatukuižen .No neglik puski-puski händast teravil negloil , i reboi vinkten pageni korbhe .
Neglik topotaškanzi edemba .Vastha putliba erazvuiččed zverid , no niken ei voind kosketada händast .Ehtaks neglik tuli sanktan punnoks , kus eli vanh da kaikentedai lind .Neglik küzui hübjal nevondad : midä voib tehta , miše hänen velled , sizared da sebranikad ei varaidaižigoi lähtta mecha , miše heid ei koskižigoi toižed živatad .
– Mikš sinei minun nevond ? Nägen , sinä iče kaiken tegid , vedʼ niken ei abidoitand sindai asttes tänna .Mäne i openda toižid neglikoid tehmaha ičeleze negloid .
Muga hän tegi-ki .Neglikod saiba teravad neglad , ne vahvas tartuiba heiden nahkha .
Siš aigaspäi nene pened mecživataižed oma neglokahad .I rohktas käveleba mecas da nikeda ei varaikoi .
Kuspäi neglikoil oma neglad?
Veps
New written Veps