Texts
Return to list | edit | delete | Create a new | Statistics | ? Help
Ol'ga Jurjevna Žukova . Jäpuraz
Ol'ga Jurjevna Žukova
Jäpuraz
Veps
New written Veps
Kerdan
Tanʼoi-neičukaine as¬tui školaspäi .Oli jo keväzʼku , päiväine paštaškanzi lämemba , veslas muhaiži .Niciš čomas säspäi kaik ristitud-ki käveliba irdal hüviš meliš .Asttes pidustʼ üht vanhad pertid neičukaine nägišti , miše sured tippud lankteba katuselpäi .Hän lendi pän ülähäks i homaiči jäpurahan .Se hošti päiväižen sädegiš , no kündled oliba mugomad tuskasižed .
– Mikš sinä voikad , – küzui neičukaine . – Tämbei om mugoine čoma keväzʼpäiv .
– Minei om žalʼ , miše en tedišta , mi om keza .
– A kuspäi sinä kulištid kezan polhe ?
– Minun katusel ištui kaksʼ penʼt lindušt i ned ilokahašti vičitiba , miše jo ei hätken i tuleb čoma keza , läm’ keza , kirjav keza . Minä tahtoin küzuda linduižil – mi nece om – keza ?No ned oliba mugomiš ihastusiš i ei kulnugoi mindai .
– Neičukaine vähäižen meleti i sanui :
– Ala voika , minä abutan sinei . Ven kodihe , panen jäškapha – sigä om vilu , i sinä ed sula .
Muga hän tegi-ki .Jäpuraz eli jäškapan pakastimes .Tanʼoi erašti čokaižihe rižamaha – kut sigä hänen sebranik .Muga mäni sulaku i semendku ,tuli keza .Lämäl kezapäiväl neičukaine sai jäpurahan jäškapaspäi i vei irdale .
– Kacu ! Nece om keza .
– Kut äi vihandad mujud , čududelihe jäpuraz , kaik om mu¬goine kirjav , ilokaz , heled .
Hän ihastunu kacui ümbri i ei mujand , kut zavodi sulada .Su¬red vilud tippud tippuiba läbi sormiš i lanksiba maha .I pigai neičukaižen kädehe jäi vaiše märg sija .Tanʼoile oli žalʼ jäpurast , no hän elʼgenzi , miše talʼvel , voib olda , hö vasttasoiš udes .
Jäpuraz
Veps
New written Veps
–
Сосулька
Russian
–