Texts
Return to list | edit | delete | Create a new | Statistics | ? Help
Ol'ga Žukova. Kut tat poiganke kuzen valiči
Ol'ga Žukova
Kut tat poiganke kuzen valiči
Veps
Uden
Voden praznikaks tatoi toskeli mecaspäi kodihe kuzen .Hänen Ondrii-poig tahtoi lujas necil kerdal mända tatanke .
– Tatoi , ota mindai mecha kuzen tomha , – pakičihe poig .
– Mängam , – sanui tatoi , – vaiše tarbiž suksed sada .
Ondrii ihastusiš pigašti löuzi suksed ičeleze i tatale .Hö paniba ned jaugha i läksiba mecha .Ondrii kacub : ümbri kaik om lumes – penzhad , pud – ei voi elʼgeta , kus mi om .
– Kacu , poig , – heikahti tatoi , – nece lumesine mätaz om penʼ puhut .
Tatoi tabazihe barbaha i zavodi sortta lunt .Lumi lanksi , ozutihe kuzine .
– Oh , ka sil oma lujas harvad barbad ühtes polespäi . Em otkoi necidä .
– Raukaine kuzʼ , – sanui Ond¬rii , – nügüd’ se külʼmäb ičeze lumipövuta .
– Ei külʼmä , pigai möst paneb lunt i katab sidä , – sanui ta¬toi . – A kutak meile valita čoman kuzen ? Kuni ed sorda lunt , ed nägišta , mitte se om .Ala holdu , poigaine , mö pakičem kuzel prostindad , miše kosketim sidä hödhüvid .
– Ka , necen voim , – ihastui prihaine , – kuzine , prosti , ala kurktu meiden päle !
– Tarbiž löuta kuz’ , mitte kazvab eriži toižiš puišpäi , – nevoi tatoi , – sil oksaižed-ki linneba oiktad kaikiš polišpäi .
– Kacu , sigä om eriži seižui kuzʼ , – heikahti Ondrii .
– Ka , nece om čoma , oksikaz . Necile kuzele valičem parahiman sijan kodiš .Panem sen vädraha , maha , valaškandem vedel , i se ihastoitaškandeb meid hätkemba .
Ondrii astui tagaze kodihe hüviš meliš , vedʼ hö tatanke oliba valičenuded kaikid čomemban kuzen .Paneškanzi lunt , i Ondrijale tuli pähä meletuz , miše lumi katab i möst uinotab heraštoittud kuzižid .
Kut tat poiganke kuzen valiči
Veps