Texts
Return to list | edit | delete | Create a new | Statistics | ? Help
Nina Zaiceva. Virantanaz. 5. Elon verod
Nina Zaiceva
Virantanaz. 5. Elon verod
Veps
New written Veps
Kožmuz
ol’ küläs :
hot’ penes , hot’ süväs
azjas i sanas
i tegoiš-ki ani .
Pidihe arvos
i mechine karvas ,
vai vedhine vedes …
Ei čud olend edes ,
ku vedespäi neižne
pä vihandoiš heiniš
randale lähtli
i sugaižen jätli .
Ved’ kanzas om ižand ,
ken hol’t pidäb ližas ,
a vedes om emäg ,
i mecas om penid
mechižen lapsid ,
niid nähtihe askei ...
A kodiš – pert’ižand ,
se azjad kaik rižab ,
i iče sid’ pätab ,
om tühjan-ik sätud
se azj , nece , toine ...
Sil elo ol’ öine .
Pert’ižand kaik sijad
pidi-ki pijos ,
tarkašti kacui :
sinä ala raci
nevondad vaste
keda-ni pästta ,
vai midä-ni toda ,
heitta vai möda ...
Kaik ižandan valdas ,
kut venehut aldos .
Elod hän vedab ,
i kaik azjad tedab .
Sikš elonteral
oli tärged vero :
mechižen sanad –
ka tehta kut sanui ,
pert’ižandan käsköd –
ka om-ik se lasknu ,
i vedhižen meled ...
Muga i eli
i külä , i rahvaz ,
siš pidihe tarkas .
No pöl’gästust eilend
vai varaiduzseinäd .
Ku pakičed abud ,
ka mechine tabad
ei ozutand mecas .
I marjoid sä eci ,
i mectamha mäne ,
hän abutab ani
mecživatoid löuta
i puzužid töutta ...
No konz otad liigad ,
ka kärzaižen sigan
hän ozutab mecas .
Hän ol’ hibjas neciš …
Tetihe veroid .
Ei tahttud-ki eroid
miččid-ni tehta .
Tahttihe ehtta
pidädas sändoiš
hot’ elos , hot’ vändoiš ,
lapsed i vanhad -
mez’kund Virantanhas
muga i eli ,
i kožmuses oli
i mehed , i londuz ,
kaik mirus mi rodnus .
Virantanaz. 5. Elon verod
Veps
New written Veps