Texts
Return to list | edit | delete | Create a new | Statistics | ? Help
Maikki Remšujeva. Muššanvalkie muailma
Maikki Remšujeva
Muššanvalkie muailma
Karelian Proper
New written karelian
Venäjän
taiteilijaliiton Karjalan ošašton järještämä näyttely on omissettu muššanvalkiella grafikalla – yhellä kuvataijon ilmekkähimmistä ta lakonisista šuunnista .
Valkie /Mušta-näyttelyššä on esillä tevokšie monissa eri tekniikoissa : klassisista lyijykynä -, mušte - ta hiilipiirrokšista oforttih , linoleikkaukšeh ta puupiirrokšeh .Erityisen kiinnoštavie ollah Taiteilijaliiton kokoelmašta esillä tuotut grafikanlehet , kumpasie ei ole esitetty noin nelläkymmentä vuotta .
Muššanvalkie grafikka on kuvallisen ilmaisun perušta – kallivopiirrokšista alkuan nykytaitoh šuaten .Rajattu väripaletti ohjuau taiteilijua keškittymäh muotoh , šommitteluh ta pintah , mi voimistau tevokšen tunnehta ta vaikutušta .
Kuin näyttelyn kurattori Viktorija Zorina koroštau , juuri täššä on šen erityini voima :
– Muššanvalkie grafikka antau taiteilijalla mahollisuon paissa hyvin tarkašti ta rehellisešti .Värie , min tuakši vois peittäytyö , ei ole – jälellä jiähäh vain viiva , ritmi ta ajatuš .Täššä minimalismissa šyntyy erityini šyvyš .
Venäjän taiteilijaliiton Karjalan ošašton piämiehen Vladimir Zorinin mukah grafikan kieli šopiu erityisen hyvin pohjosen kuvuamiseh :
– Pohjoni iče on hyvin grafini – šen maisemat , valo ta kontrastit .Šentäh monet taiteilijat valitah juuri muššanvalkie grafikka välittyäkšeh tilan ta hil’l’aisuon tunneh .
Näyttelyššä voipi kačella muššanvalkeita töitä , kumpasie piiruššettih tunnetut karjalaiset taiteilijat , kuin Aleksei Avdišev , Tamara ta Margarita Jufa , Sergei Gr’azev , Aleksandr Trifonov , Valerii Košelev , Pavel Pol’akov , Nelli Grigorjeva , Ilja Rastaturin šekä Vladimir ta Viktorija Zorinit .
Valkie /Mušta-näyttely toimiu Petroskoin kaupunkin näyttelyšalissa 3. oraškuuta šuaten .
Muššanvalkie muailma
Karelian Proper
New written karelian
–
–