Texts
Return to list | edit | delete | Create a new | Statistics | ? Help
Äijänäpiänä päiväni kisuau
Äijänäpiänä päiväni kisuau
Karelian Proper
New written karelian
Äijäpäivä
aina on kevyällä , šentäh šitä kevyän tulon pruasniekkana vietetäh kaikki ihmiset , ei yksistäh uškojat .Pruasniekkapäivä joka vuosi muuttuu , šitä miärätäh luonnon merkkijen mukah : täyvenkuun ta kevätpäiväntašavukšen mukah .Še lankieu aina pyhäkšipäiväkši , 4. šulakuuta – 8. oraškuuta väliseh aikah .
Šuuren päivän piäsimvolina ollah kaunehešti mualatut , moniväriset kananmunat .Ihmiset keitetäh niitä Äijäkšipäiväkši ta krassitah eri värilöih .Kananmuna on uuvven elämän simvoli , a šen ruškie väri merkiččöy , mitein Iisussa oman veren hinnalla anto ihmisillä elämän .
Yöllä lämmitetäh kiukaita ta paissetah kuliččoja , kukkoja ta piiraita , luajitah rahkašta pasha .Tavan mukah ennein luajittih kolme prosviirua , yksi pantih rukkih , toini otettih matkah , konša mäntih halkuo leikkuamah , kolmaš šyötih , palani annettih hevosella .Prosviirat pantih oprasojen tuakši .
Šana pasha tuli jevreijen pesah-šanašta , mi merkiččöy vapauttumista .
Äijänäpiänä rissityt ihmiset muissellah Pyhän Istorijan tärkeitä tapahtumie , kumpasien kunnivokši onki še pruasniekka .
Rahvahan viisahutta
Äijänäpiänä piäčkyniki pešyä ei luaji .
Äijäpäivä päivän nouštuo , Vieristä šilmien peštyö .
Äijänäpiänä päiväni nouššešša kisuau .
Kallis on jiäliččä Äijänäpiänä .
Äijänpäivän yöllä tuotih viesti Spuassun emolla , jotta Spuassu nousi .
Äijänpäivän yöllä käyväh häiriččömäššä toini toista .Hienuo ripakkuo on keralla , još ketänih löyvetäh makuamašša , poltetah ripakkuo nenän alla , jotta havaččuis .Äijänpäivän yöllä ei kellänä ole šijua , ei šua muata .
Tyttäret kuoppah ta pojat karšinah Äijähpäiväh šuate (Äijähpäiväh šuate ei käyty venčällä ).
Äijäštäpäiväštä kakši netälie on ruajun veräjät kahallah .
Äijänäpiänä šyyvväh yhekšän kertua .
Äijänpäivän iltani šyyvväh aikaseh , jotta kešäruavot aikoih šuatais valmehekši .
Äijänäpiänä šyyvväh nakrista .Šiitä ei šyö čakat eikä kärpäset kešällä .
Äijäkšipäiväkši (tahi Petrukši ) šuurella pešulla pirtti peššäh .
Äijänäpiänä päiväni kisuau
Karelian Proper
New written karelian