Texts
Return to list | edit | delete | Create a new | Statistics | ? Help
Ol’ga Dubitskaja. Oniegan järven kallivokaiverdukset suadih suuren arvon
Ol’ga Dubitskaja
Oniegan järven kallivokaiverdukset suadih suuren arvon
Livvi
New written Livvic
Krasnoduaras 13. oraskuudu
sanottih niilöin ristikanzoin nimet , kuduat roittihes Hrustalikompassu -palkindon voittajikse .
"Hrustalikompassu " on kanzallizen muantiijon , ekolougien alal enzimäine palkindo . Hrustalikompassu -palkindo perustettih 16. kylmykuudu Krasnoduaras .Yhtyö täh kilbah voijah Ven’an da ulgomualoin yhteisjärjestöt , tiedo - da opastuslaitokset , toizien aloin laitokset da tavallizet rahvas .
Kaikkiedah kilvas on yheksä nominatsiedu , voittajii valliččou arvostuskundu .Rahvaskunnan hyväksymine nominatsien voittajua vallitah rahvas internetiänestyksen vuoh .
Tänä vuon kilvan valmistuskomitiettah oli annettu enämbi 300 projektua Ven’al , Amerikas , Kitais , Bolguaries , Litvaspäi .Karjalaspäi sežo oli pyrgijiä kilbah .Muga Nadežda Lobanovan Oniegan järven kallivokaiverdukset
-kniigu piäzi kolmen parahan joukkoh nomitatsies "Painos ".
Oniegan järven kallivokaiverdukset –kniigu on piästetty ilmoih sulakuus 2015.Se oli painettu Dmitrii Požarskoin yliopisto -kniigupainamos .Tämä painamo piästäy ilmoih vaigu tiedoliteratuurua .Sie jo nähtih päivänvalgien kuuzi Kielen , literatuuran da histourien instituutan kniigua .
"Oniegan järven kallivokaiverdukset " on toine kniigu seeries . Enzimäzen kniigan nimi on "Oniegan järven kallivokaiverduksien piirin muinažuontiijollizet mustopaččahat ", kuduan Nadežda Valentinovna kirjutti yhtes Valentina Filatovanke .Sanakse , Nadežda Lobanova tahtou vie kirjuttua Vienan meren kallivokaiverduksis .Pidäy mainita , ku , sen jälles , konzu Oniegan järven kallivokaiverdukset –kniigu oli työtty kniigupainamoh , sidä ainos vie jatkettih – ližättih uuttu materjualua .Černaja-jovensuus oli löytty läs kahtukymmendy primitiivisty kallivokaiverdustu .Nadežda Lobanovan mieles net ollah enzimäzet opastuskallivokaiverdukset .
Kallivokaiverdukset oldih löytty XIX vuozisuan keskel , a vuozinnu 1936 da 1938 piästih ilmoih enzimäzet kniigat Oniegan järven da Vienan meren kallivokaiverduksis , kuduat kirjutti Vladislav Ravdonikas .Kaikkiedah häi löydi läs 400 kallivokaiverdustu .Eräs kniigu kallivokaiverduksis oli painettu 1970-luvul , sen kirjutti Jurii Savvatejev .Sen jälles kniigua kallivokaiverduksis ei olluh .
Kyzymykseh mis Nadežda Lobanoval algavui kallivokaiverduksien suvaičus , häi vastai , ku kuvvendes kluasas opastujes häi lugi Savvatejevan kniigan kallivokaiverduksis da piätti , ku tahtou kävvä kaččomah niidy .A jo nelländes kluasas piätti olla muinažuontutkijannu .Sit häi lähti opastumah Petroskoin valdivonyliopistoh da sen jälles loppi aspirantuuran Moskovas .
Tieduo
– "Oniegan järven kallivokaiverduksien piirin muinažuontiijollizet mustopaččahat " da "Oniegan järven kallivokaiverdukset " ollah Kanzallizes kirjastos da Karjalan Tiedoakadeemien kirjastos .
– Paiči sidä kniigu voibi ostua Petroskoin valdivonyliopistos da kirjuttajal . On sidä Moskovasgi myödävänny .
– Kniigal on aiga suuri painosmiäry – 1 000 palua . Kniigu on ylen čoma – sie on enämbi 500 kuvua .
Oniegan järven kallivokaiverdukset suadih suuren arvon
Livvi
New written Livvic
– "
Dubitskaya, Olga
Петроглифы Онежского озера получили высокую награду
Russian
–