Texts
Return to list | edit | delete | Create a new | Statistics | ? Help
Ol’ga Dubitskaja. Taidoilijan kirkas muailmu
Ol’ga Dubitskaja
Taidoilijan kirkas muailmu
Livvi
New written Livvic
Niilöis
, ket eletäh meijän rinnal on äijy nerokastu da mieldykiinnittäjiä ristikanzua , ga myö puaksuh emmo tiijä heijän neroloi .Myö olemmo ystävinny , ruammo rinnakkai , ga emmo tiijä toine toizen kiinnostuksii da indoloi .Puaksuh myö emmo tahto libo ujostelemmokseh paista niilöis .
"Periodikas " ruadai Ol’ga Potahina Kipinäžurnualan taidoilii on moine ristikanzu . Kai "Periodikan " ruadajat tietäh , ku Ol’ga taidoredaktorannu olles resuiččou žurnualah , ga niken ei tiedänyh , ku hänel on sen verdu kuvua , ku kerdyi kogonaine ozuttelu .
Tämän ozuttelun nimi on "Načalo " ("Algu ") da taidoilii pani sen nägyvih "Agriculture_clubah ".Kai ozutettavat tevokset ollah allekirjutettu myödymielizel peittonimel Julija Solntseva .
Taidoilijan Histourii
Ol’ga Potahina on roinnuhes Karjalah , Pitkyrandu-linnah .Jo lapsennu häi suvaičči resuija .Školas opastujes Ol’ga käi lapsien luomisruavon keskukseh .Školan jälles häi loppi Karjalan kul’tuuran ammattiopiston , myöhembi – Novgorodan Jaroslav Mudroin nimizen valdivonyliopiston .Vuvves 2011 häi on Kipinäžurnualan taidoredaktorannu .
Enimyölleh inehmine resuiččou piirdimil , akrilmualoil .Nygöi häi tahtou opastuo resuimah mustuvalgiedu taidogruafikkua da , voibi olla , panna sidä nägyvih .
Enne sidä Ol’gan tevostu sai nähtä erähis ozuttelulois , ga net oldih yhtehizet toizien kel , a Alguo-zuttelu on personualline .
Algu-ozuttelu
Täs ozuttelus ollah voipastelli-tehniekäs resuitut tevokset , kudamii suitui jo kylläl vuvven 2016 allus algajen .Ozuttelun deviizu on amerikkalazen taidoilijan Jackson Pollokan sanat "Minä tahton ilmoittua omii tundoloi , ga ei kuvailla niidy ".Ozuttelus olijat tevokset ollah kirkahat , erimujuzet da myödymielizet sendäh , ku taidoilijal muutui nägemys muailmah , ristikanzoin välilöih .Ol’ga Potahinal muutui resuiččemizen stiili – kuvat roittihes kirkahembat , häi algoi resuija voipastellil .Ozutteluh niškoi häi valličči juuri voipastelli sendäh , ku sidä on kebjiembi sevoittua da suaja uuzii värilöi .
Pidäy mainita , ku ozuttelun kuvil ei ole nimilöi .Taidoilii piädykauti luadi muga , ku kaččoi iče ellendäs mi on resuittu kuval .Taidoilijan sanoin mugah kai ozuttelus olijat tevokset ollah resuittu suurien emotsieloin vallas , kai net ollah abstraktizet .Toiči taidoilii iče ei tiedänyh midä häi piirusti , a ellendi sen vaiku silloi , konzu valmisti ozutteluu .
Ozuttelun avajazis rahvas sanottih omii mielii kuvih näh , arvattih , midä niilöih on piirustettu .
Kyzymykseh mindäh häi piätti panna omua kuvua nägyvih , Ol’ga vastai , ku omahizet da tuttavat sanottih , ku jo ammui pidäy panna net ozutettavakse .
– Enzimäi rodih kauhei , a ku rahvastu ei miellyttä , ku tevokset ollah ylen iččehizet . Sit piätin luadie ozuttelun .On hyvä , ku ozuttelu on juuri "Agriculture_clubas ", sanou Ol’ga .– On mieleh lugie da kuunnella rahvahan arvosteluloi . Erähät kai tahtottas ostua kuvua , ga minä
en voi myvvä niilöi , jatkau naine , da en tiijä , mittuine hindu panna .
Meijän paginan lopus Ol’ga sanoi , ku luomisruavos pidäy olla omannu ičenny , ei pie kopiiruja toizii .Olgua omannu ičenny , olgua ozakkahat !
Taidoilijan kirkas muailmu
Livvi
New written Livvic