VepKar :: Texts

Texts

Return to list | edit | delete | Create a new | Statistics | ? Help

Ol’ga Dubitskaja. Nygöine ammuine aigu

corpus: Journalistic texts

Source:
Oma mua. № 21, 2016, p. 10

Ol’ga Dubitskaja

Nygöine ammuine aigu

Livvi
New written Livvic
Mennyt piätteniččän Karjalan tazavallan kanzallizeh muzei kerävyi äijy rahvastu. Sie oldih uvven ozuttelun avajazet. Tämä ozuttelu on omistettu Karjalan rahvahien perindöllizile ruutile, kudualoi piettih XVIII-vuozisuan lopus – XX-vuozisuan allus.

Mennyt piätteniččän Karjalan tazavallan kanzallizeh muzeih kerävyi äijy rahvastu. Sie oldih uvven ozuttelun avajazet. Tämä ozuttelu on omistettu Karjalan rahvahien perindöllizile ruutile, kudualoi piettih XVIII-vuozisuan lopus – XX-vuozisuan allus.

Ozuttelun avuamine oli muzein pruazniekkuzualas, kuduah kerävyi muzein da TV:n ruadajua, inehmisty ruutis, fotokuvuajua da niidy, ket hyväl mielel kačotah vahnoi ruutti.
Ozuttelun avai muzein johtai Mihail Gol’denberg. Mies kerdoi omas ruadomatkas Haikol’ah, sanoi, ku tämä ozuttelu on omistettu muzein 145-vuozipäiväle. Peitoči, ga kaiken kuulten Mihail Gol’denberg sanoi, ku piäpruazniekku rodieu ligakuus, konzu lopeh loma-aigu. Mihail Gol’denberg kehoitti kaččuo, mittumat čomat ruutat oldih ennevahnas Karjalas da sanoi, kui olis hyvä, ku nygöigi inehmizet piettäs piäl moizii ruuttii. Gol’denbergan sanoin mugah nygöi sobii myöte ei sua arvata, kuspäi on ristikanzu, ongo häi Germuanies, Ruočis vai Ven’alpäi. A ennevahnas ruutas sai ellendiä kai – ongo inehmine miehel, ongo häi linnalaine vai kyläläine, ongo häi liygiläine vai vienalaine.
Ozutteluh nähte saneli Jekaterina Logvinenko, sen luadii. Häi sanoi, ku tämänmoine ozuttelu oli muzeis loittozennu 1997 vuvvennu, läs 20 vuottu tagaperin. Jekaterina kerdoi muzein dovarišas da ozuttelun partn’ouras Natalja Denisovas, kudai ammui ombelou Karjalan perindöllizii ruuttii.
Tervehtimizen jälles kaikin lähtiettih toizeh kerrokseh, kunne on sijoitettu ozuttelu. Ozuttelu on kahtes zualas. Enzimäzes ollah inehmizien pruazniekkuruutat da piähizet, toizes – fotokuvat, kudualois čomis karjalazis ruutis ollah net, ket ommeltih niidy Natalja Denisovan kursiloil.
Ozuttelus ollah Karjalan eričuppuloin pruazniekkuruutat. Sie suau nähtä Vienan meren, Anuksen, Puudogan, Kargopolin piirilöin eläjien dai vepsäläzien sobua da jallaččii. Joga ruutan rinnal on vahnua fotokuvua da tiedo kartanke, kuduas suau nähtä, kus piettih moizii ruuttii. Muga pieneh zualah syndyi kogo ennevahnaine Karjal, senaigazet sovat da vehkehet.
Paiči pruazniekkusobii – ferezilöi da räččinöi, ozuttelus on äijy piähisty – venčua, povoiniekkua, kikua. Ozuttelus suau nähtä kirjoindettuloi käzipaikkoi, kuožaliloi, savipadoi da viheldyspillii. Monet niilöis suadih muzeih jo 1870-1900- luvul. Pidäy sanuo, ku kai ruutat da toizet vehkehet ollah ylen hyväs kunnos kunnostajien hyvyös, myö nygöigi voimmo kaččuo da ellendiä, mittustu sobua piettih meijän ezi-ižät.
Ozuttelus, paiči ruuttii, on interaktiivine ekskursii "Sobien mugah vastatah…", sie ozuttelun kaččojat voijah miäräillä ferezilöi da ottua kuvua niilöis, rodieu mahto olla laukkurinnu. Ozuttelus suau kuulta vahnan folklouran iänikirjutuksii.
Ruuttih kaččojes diivimmös, mittuzet pienet oldih karjalazet ennevahnas. Ozutahes, ku pannahäi ferezi piäle, se rodieu vai polveh suate.
Täs ozuttelus voibi nähtä ristikanzoi ruutis, hyö iče ommeltih net Natalja Denisovan kursiloil. Paiči sidä kaikile, ket oldih ozuttelun avajazis, puutui nähtä Marija Krukovskoidu, 14-vuodehisty tyttyö, kuduadu voibi nähtä ozuttelun ilmoituslehtes. Pidäy sanuo, ku kaunehen venčan podnizien (vezihelmes luajittu verkon jyttyine aldo očan piäl) on luadinuh iče ozuttelun valmistai Jekaterina Logvinenko.
Ainos on hyvä olla ozuttelun avajazis, ku sie suau nähtä neroniekkoi, kudualoil voibi kyzyö abuu da kuduat voijah andua pättäviä nevvuo.


Ozutteluh näh:
– Ozuttelu ruadau ligakuun 6. päivässäh.
– Suovattan, 18. kezäkuudu, 12.00 aigua rodieu "Movvakas ozuttelu", kuduas Natalja Denisova rubieu sanelemah, kui pidiä piäl ruuttii.
– Sinäpiän rodieugi Margarita Kemppazen masterkluassu "Paikku inehmizen elaijas".
– Syvyskuus da ligakuus roihes luvenduo ruutis da piähizis.
– Ozuttelus on oma joukko vkontaktes http://vk.com/karel_costume.

Dubitskaya, Olga

Современное древнее время

Russian
В прошедшую пятницу в Национальном музее Республики Карелия собралось много народу. Там происходило открытие новой выставки. Эта выставка посвящена карельскому традиционному народному костюму, который носили в конце XVIII – начале ХХ веков.
В прошлую пятницу в Национальном музее Республики Карелия собралось много народу. Там было открытие новой выставки. Эта выставка посвящена карельскому традиционному народному костюму, который носили в конце XVIII – начале ХХ веков.
Открытие выставки проходило в зале Благородного собрания музея, куда собрались работники музея и телевидения, женщины в костюмах, фотографы и те, кто с удовольствием смотрели старинные наряды.
Выставку открыл директор музея Михаил Гольденберг. Мужчина рассказал о своей рабочей поездке в Хайколю, сказал, что эта выставка посвящена 145-летию музея. По секрету, но во всеуслышание, Михаил Гольденберг сказал, что главный праздник состоится в октябре, когда закончится время отпусков. Михаил Гольденберг призвал посмотреть, какие красивые костюмы были раньше в Карелии, и сказал, что было бы хорошо, если бы и сейчас женщины носили такие наряды. По словам Гольденберга, сейчас невозможно определить, откуда человек – из Германии, Швеции или из России. А в старину по костюму можно было понять многое – замужем ли женщина, горожанка ли она или жительница деревни, является ли она ливвиком или собственно карелкой.
О выставке рассказала Екатерина Логвиненко, её автор. Она сказала, что подобная выставка была в музее в далёком 1997 году, почти 20 лет назад. Екатерина рассказала о друге и партнёре музея Наталье Денисовой, которая давно шьёт карельский традиционный костюм.
После приветственных слов все отправились на второй этаж, где и расположена выставка. Выставка находится в двух залах. В первом зале женские праздничные костюмы и головные уборы, а во втором зале фотографии, на которых изображены в красивых костюмах те, кто сшил их у Натальи Денисовой на курсах.
На выставке представлены костюмы из разных уголков Карелии. Там можно увидеть наряды жителей побережья Белого моря, Олонецкого, Пудожского, Каргопольского районов и вепсский костюм и их обувь. Рядом с каждым костюмом есть старая фотография и информация с картой, на которой можно увидеть, где носили тот или иной костюм. Так в маленький зал вместилась вся древняя Карелия, одежда и предметы того времени.
Кроме праздничной одежды – сарафанов и рубах, на выставке представлено много головных уборов – венцов, повойников, кик. На выставке можно увидеть вышитые полотенца, прялки, глиняные горшки свистки. Многие из них попади в музей уже в 1870-1900 годы. Надо сказать, что все костюмы и другие предметы в очень хорошем состоянии благодаря реставраторам, мы и сейчас можем посмотреть и понять, какую одежду носили наши предки.
На выставке, кроме костюмов, есть и интерактивная экскурсия "по одёжке встречают...", там посетители выставки могут примерить сарафаны и сфотографироваться в них, побывать в роли коробейника. На выставке можно услышать и старые фольклорные записи.
Глядя на костюмы удивляешься, какими маленькими были карелы в старину. Кажется, что если наденешь сарафан на себя, то он будет по колено.
На этой выставке можно увидеть людей в костюмах, они сами их сшили на курсах Наталья Денисовой. Кроме того всем, кто был на открытии выставки, посчастливилось увидеть Марию Круковскую, 14-девочку, которую можно увидеть на афише выставки. Надо сказать, что красивую сетку-поднизь (сделанная из речного жемчуга сетка в форме волны надо лбом) сделала сама куратор выставки Екатерина Логвиненко.
Всегда хорошо побывать на открытии выставки, потому что там можно увидеть мастеров, у которых можно попросить помощи и которые могут дать дельный совет.

О выставке:
– Выставка будет работать до 6 октября.
– В субботу, 18 июня, в 12.00 состоится "Модная выставка", на которой Наталья Денисова будет рассказывать, как надо носить костюмы.
– В тот же день пройдёт мастер-класс Маргариты Кемппайнен "Платок в жизни женщины".
– В сентябре и октябре состоятся лекции о костюмах и головных уборах.
– У выставки есть своя группа вконтакте http://vk.com/karel_costume.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages