Texts
Return to list | edit | delete | Create a new | Statistics | ? Help
Ol’ga Dubitskaja. “Periodikan” kirjupualičale liženöy
Ol’ga Dubitskaja
“Periodikan” kirjupualičale liženöy
Livvi
New written Livvic
Kaikin
tietäh , ku paiči lehtie , Periodika-julguamos piästetäh ilmoih vie kniigoi , sanakniigoi da kaikenmoizii pienembiigi julgavoloi .Mulloi "Periodikas " piäzi ilmoih 20 kniigua .
Piästetyt kniigat
Vuvves 2016 algajen täkse päiviä jo nähtih päivänvalgien kymmene kniigua .Net ollah Tatjana Boikon Suuri Ven’akarjalaine sanakniigu , Veniamin Slepkovan kniigu lapsile "Suklaamaan vanha tarina pojasta , joka ei pitänyt suklaasta " (suomen da ven’an kielel ), Nina Arhipovan "Vuuvven lippahaini " (karjalan kielel ), Vas’a Veikin "Loittoine loitto " (karjalan kielel ), Svetlana Berdovan "Puzuine " (vepsän da ven’an kielel ), Avgust Alkvistan "Kalevalan " karjalaine taba " (ven’an kielel ), Markku Niemizen "Epilog " (ven’an kielel ), Nadežda Akimovan "Fantom " (ven’an kielel ), Solomonan muštatišeden kirj (vepsän kielel ) da Iona-prorokan kniigu , kudai piäzi ilmah komin kielel .
Vuoruo vuotetah
Jo ollah tulemas kniigupainamospäi Tatjana Boikon Suuri karjal-ven’alaine sanakniigu da Dmitrii Moskinan da Tatjana Jaškovan Rahvahan tytin arbaitus -kniigan toine painos .
Yhtes Kielen , literatuuran da histourien instituutanke tänävuon roihes luajittu vie kolme kniigua .
Livvin da vepsän kielen opastujile avukse roitah Jelena Ruppijevan "Liygii livvikse " (livvin algukursu ) da Nadežda Petrovan da Jelizaveta Haritonovan Pagizemmo vepsäkse -opastuskniigu .Lapsile sežo rodieu lugemistu karjalakse da suomekse .
"Periodikan " kirjutoimittajan Alina Čuburovan sanoin mugah , vuvven 2016 lopus piäzöy ilmoih vie eräs hyvä julgavo , ga tänäpäi sen nimi on peitos .
Lugekkua kniigoi , olgua mielevinny !
“Periodikan” kirjupualičale liženöy
Livvi
New written Livvic