Texts
Return to list | edit | delete | Create a new | Statistics | ? Help
Ol’ga Dubitskaja. Käzineruo keskilinnal
Ol’ga Dubitskaja
Käzineruo keskilinnal
Livvi
New written Livvic
Petroskois
jo moni vuottu ruatah antikafeet , ga vaste tänävuon avavui vie hobbi-antikafee .
Kafeen toimindas
Danu-nimine (paino enzimäzele tavule ) antikafee sijaiččou juuri linnan keskukses – Leninan pihal , Oniegan järven rannan lähäl .Pieneh podvualah tulduu sinuu ottau vastah rouzankarvaine tukku nuori inehmine .Tämä muhizii naine on Ksenija Komissarova , Danu-antikafeen alguhpanii .
Ksenija piätti luadie antikafee mennyön vuvven lopus , da jo sulakuus algajen se ruadau .Danu-kafees voibi ostua kuvondulangua , nieglua , kočkastu da muudu tavarua nieglomizeh niškoi .Iče Ksenija nieglou jo läs kymmendy vuottu .Häi nieglou jogahizele , ken tahtou ičelleh nieglottuu sobua libo vehkehty .Ksenijale suuri probliemu ainos oli löydiä hyviä kuvondulangua , sendäh häi algai kezrätä da mujuttua langoi iče .Nämmii langoi voibi ostua Danu-antikafees .Kai nämmä langat on kezrätty luonnollizis materjualois .
Paiči langoin ostandua , antikafees suau opastuo nieglomah kočkal libo niegloil .Ksenija Komissarova pidäy urokkoi , kursiloi da master-kluassoi .Paiči sidä muut neroniekat pietäh sie eriluaduzii master-kluassoi – kanzašikukkua , dekupažua , kirjondehtu , tvistingua , feltingua da muudu .
Ksenijan kursiloile da master-kluasoile kävväh ei vaigu naizet , kerran oli kaksi miesty .
Pidäy mainita , ku "Danu " on enzimäine moizen formuatan antikafee Ven’al .Olemine täs kafees maksau 2,5 rubl’ua minuutas libo 150 rubl’ua čuasus .Sie on olemas stop-ček .Se tarkoittau , ku maksandu yhtes päiväs ei voi olla enämbiä 500 rubl’ua , hos kogo päivän ole sie .
Kafees , paiči Ksenijua , ruadau vie yksi inehmine , kudai avvuttau Ksenijale myvvä tavaroi nieglomizeh niškoi .
Kafeen nimes
Konzu minä kyzyin Ksenijal , mindäh kafeele on pandu moine nimi , häi muhisten sanoi , ku kaikin sidä kyzytäh .Tämä nimi on Ksenijal mustos lapsusaijas .Konzu häi oli lapsennu , häi pidi roulikižoi , konzu pidi juosta hoikku piälyspal’to piäl da miekku käis meččiä myöte .Kaikil oldih omat kižanimet .Ksenijale muga on mieldy myöte tämä kižannimi , ku häi pani sen kafeen nimikse .
Kafeen johtajas
Kyzymykseh , ken sinä olet ammatin mugah , Ksenija nagrajen vastai , ku häi on meččytalovuon inženieru .Neidine kai ehti ruadua Tiedoakadeemies Meččyinstituutas .Sie Ksenija ruadoi läs kahtu vuottu .Ruavon jälles da joudaval aijal olles Ksenija niegloi da sit ellendi , ku ei tahto ruadua Meččyinstituutas .Muga rodivui Danu-antikafee .Nygöi se on Ksenijan piäruado da hobbi .Nygöi häi iče opastuu eriluaduzil kursiloil , kui pidäy vedia biznessua , kirjuttuakseh vebinuaroih .Antikafees ruadajes Ksenija vie ehtiy niegluo myödäväkse .Sidä paiči Ksenija kirjoindau ristal da ombelou sobii , ičellehgi .
"Danu " johtajan sanoin mugah käziruado on hyvä .
Sellitysty
– Antikafee (välly tila , time-club , time-cafe ) on moine yhteiskunnalline laitos , kuduan ominažus on maksamine aijas , kuduan olit moizes kafees .Hindah kuulutah gostitandusyömizet , iloitukset da pivot .Syömislistua moizis kafeelois ei ole .
– Tvisting (angl . twisting ) on moine harrastus , konzu ilmumiäččylöis luajitah eriluadustu kuvua .
– Felting (angl . felt ) on moine nero , konzu villas luajitah eriluadustu kuvua da "vestostu ".
– Kanzaši (jap . kanzashi ) on käziruado , konzu materjualas libo lentois luajitah kukkua da čomendustu .
Pieni pakičus
Ksenija , paiči nieglondua , vie iče kezriäy villua .Hänele on ylen mieldy myöte karjalaine rukki , ga häi nikus ei voi sidä ostua .Toinah keltahto kyläs vuiškal libo aitas löydyy rukki .Ksenija hyväs mieles ostas moizen .
Käzineruo keskilinnal
Livvi
New written Livvic
–
Dubitskaya, Olga
Ремёсла в центре города
Russian
–