Texts
Return to list | edit | delete | Create a new | Statistics | ? Help
Ol’ga Dubitskaja. Uudistu muuzikan suvaiččijoile
Ol’ga Dubitskaja
Uudistu muuzikan suvaiččijoile
Livvi
New written Livvic
Kanzallizien
kul’tuuroin keskukses nägi päivänvalgien digibook – CD-diskoin kogomus .Sie on kolme diskua .Enzimäine on "Tiedohuon kandeleh ", kudai tuttavuttau lapsii da aiguzii kandeleheh .Tämän diskan luajittih Natalja Šamrai da Oleg Obnosov .Toine , "Karjalan kadrielit da lantsetat ", ozuttau vahnoin karjalazien tansiloin fragmentoi , kudualoi sai endizeh kundoh Viola Mal’mi .Kolmandes Tundietut pajot karjalan kielel -nimizes diskas ollah pajot da niilöin noutat .Sen diskan keriäjänny on L’ubov’ Nikitina .
Tämä diskoin kogomus on Karjalan muuzikkuperindölöin "prezentatsii ".
Kanzallizien kul’tuuroin keskukses piettihgi Irina Semakovan uvven kniigan prezentatsii .Kniigu on omistettu kandelehele da jouhikole .Se pädöy muuzikkuspetsialistoile , muuzikan tiedäjile da kaikile , ken tahtou tiediä kandelehes da jouhikos .
Irina Semakova on tundiettu muuzikan tutkii , kuulužu folkloristu .
Kniigah on kerätty äijy ideidu .On moine teourii , ku kandelehtu konzulienne käytettih karsikonnu – sih luajittih pilkuloi da merkilöi .
Kniigan kirjuttajan sanoin mugah vahnin kandeleh mustoittau Adamua – seiččie kandelehen kieldy ollah kui seiččie tiähtie tiähtijoukos .
Vie kniigah on kirjutettu , ku jouhikko ilmestyi Keski-Azies .Paiči sidä sen lugiettuu tiijustatto , konzu on kandelehel da jouhikol soittajien päivät da vie muudu mieldykiinnittäjiä .
Kanzallizien kul’tuuroin keskus valmistau ližäkse kolme eriluadustu kižua – "inkeriläzet ", "vienankarjalazet " da "vepsäläzet ".Jogahizes kižas rodieu kuuzi bumuagutyttii da eriluadustu sobua , kuduat enzimäi pidäy värittiä da leikata .
Uudistu muuzikan suvaiččijoile
Livvi
New written Livvic