Texts
Return to list | edit | delete | Create a new | Statistics | ? Help
Uljana Maksimova (Tikkanen). Kanšojen yhtenäisyön vuuvven ohjelmua käsitelläh
Uljana Maksimova (Tikkanen)
Kanšojen yhtenäisyön vuuvven ohjelmua käsitelläh
Karelian Proper
New written karelian
Tämä
vuosi on ilmotettu Venäjällä Kanšojen yhtenäisyön vuuvvekši .Šuunnitelmašša täkši vuuvvekši meijän tašavallašša on 48 tilaisutta .
Vuuvven järještäjien komitietan enšimmäini issunto oli vietetty 9. šulakuuta .Komitietan johtajakši tuli Karjalan piämiehen šijahini šiämipolitiikan kyšymykšistä Roman Golubev .Issunnošša oli kulttuuri -, tieto -, koulutušjärještöjen etuštajie .Hyö paistih tärkeimmistä tapahtumista ta projektiloista , kumpaset pitäy järještyä vuuvven loppuh šuaten .
Vuuvven merkittävistä tapahtumista kerrottih Karjalan kanšallisen ta alovehellisen politiikan ministerijön ošašton johtaja Jelena Migunova ta Karjalan kulttuuriministerijön šijahini Andrei Šibanov .Hyö šaneltih niistä tapahtumista , kumpaset oli jo pietty kolmešša kuukauvešša ta kumpasie valmissetah vielä .
– Erikoista huomijuo myö annamma tilaisukših , kumpaset yhissetäh kanšoja , näytetäh yhtehisie arvoja , šankarija , yhtehistä istorijua , kulttuurie ta tulovaisutta . Šuurimpina šemmosina tilaisukšina ollah opaštujien konferenšši "Monikanšallisen Venäjän tulovaisuš ", EtnoSMART - forumi , Venäjän kanšojen kielien ta kulttuurien netälit , Karjalan kanšat : Istorija . Nykyaika .Tulovaisuš -konferenšši , Bereg . Pomorje -forumi ta toisie , koroššettih Kanšallisen ta alovehellisen politiikan ministerijön etuštajat .
Erikoista huomijuo annettih kirjallisuš-patriottisella projektilla "Venäläiset luvennot ".Karjalašša šen järještämiseštä vaštuau Venäjän kanšojen assamblejan ošašto ta šen johtaja Anna Gorelova .Projektin rajoissa poliittiset ta yhteiskunnalliset toimijat , kulttuuri -, tieto - ta urheilualojen etuštajat julkisešti luvetah Venäjän klassista kirjallisutta .
Karjalan piämiehen šijahini Roman Golubev kiitti keräytynyitä jo pietyistä tilaisukšista ta miäräsi kiinittyä erikoista huomijuo tulijih toimenpitoloih , jotta Kanšojen yhtenäisyön vuosi jäis tašavallan eläjien šytämih ta lujentais kanšojen välisie šuhtehie .
Kanšojen yhtenäisyön vuuvven ohjelmua käsitelläh
Karelian Proper
New written karelian